كولىك قوزعالىسى الماتى جانە شىعىس قازاقستان وبلىستارىندا شەكتەلدى.
بۇگىن ساعات 20:00-دەن باستاپ اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار اۆتوجولداردىڭ ءۇش ۋچاسكەسىندە كولىك قوزعالىسىنا ۋاقىتشا شەكتەۋ ەنگىزىلدى، دەپ حابارلايدى Almaty-akshamy.kz قازاۆتوجولعا سىلتەمە جاساپ.
الماتى وبلىسىندا جولدىڭ ناشار كورىنۋىنە بايلانىستى جولداردىڭ ەكى ۋچاسكەسىندە كولىك قوزعالىسى شەكتەلدى: «كوكپەك-كەگەن-تۇپ» 0-72 كم. كوكپەك اۋىلى – كەگەن اۋىلى ۋچاسكەسى (كولىكتىڭ بارلىق تۇرلەرىنە)؛ «الماتى-كوكپەك-كوكتال-قورعاس» 130-230 كم. بايسەيىت اۋىلى – چۋنجا اۋىلى ۋچاسكەسى (كولىكتىڭ بارلىق تۇرلەرى ءۇشىن).
شىعىس قازاقستان وبلىسىندا قار كوشكىنى ءجۇرۋ قاۋپىنە بايلانىستى جولدىڭ ءبىر ۋچاسكەسىندە كولىك قوزعالىسى شەكتەلدى: «وسكەمەن-التاي-ۇلكەن نارىن-كاتون-قاراعاي-راحمانوۆسكيە كليۋچي» 6-166 كم. ۋشانوۆسكوە اۋىلى – التاي قالاسى ۋچاسكەسى (كولىكتىڭ بارلىق تۇرلەرى ءۇشىن).