رەسەيدە «گيبرالتار» بەزگەگى انىقتالدى.
سونىمەن بىرگە كوروناۆيرۋستىڭ جاڭا ءتۇرى تاراپ جاتىر. كەسەل اقش، ۇلىبريتانيا، ەۋروپا جانە يزرايلدە دە تىركەلگەن، دەپ حابارلايدى Almaty-akshamy.kz.
قازاقستانمەن شەكارالاس سامارا وبلىسىندا كارانتيندىك شەكتەۋلەر ەنگىزىلە باستادى. مۇنىڭ سەبەبى شارۋاشىلىقتاردىڭ بىرىندە گيبرالتار بەزگەگى انىقتالدى. باكتەريا ەت پەن ءسۇت ارقىلى تاراۋى مۇمكىن، سوندىقتان ماماندار قاۋىپسىزدىك تالاپتارىن ساقتاۋ كەرەكتىگىن ەسكەرتەدى. ويتكەنى ىندەت ادامعا جۇعۋى ىقتيمال.
اندرەي پرودەۋس، دارىگەر:بۇل اۋرۋ ءتۇرى ادامعا جۇققاندا ارينە اۋىر تۇردە وتەدى، بۋىندارعا كەرى اسەر ەتەدى. ءبىراق ستاتيستيكا بويىنشا بۇل ىندەتتى جۇقتىرعانداردىڭ 1-2 پايىزى قايتىس بولعان. سوندىقتان بەلگىلەرى بايقالسا، بىردەن دارىگەرگە حابارلاۋ كەرەك.
سونداي-اق رەسەيدە كوروناۆيرۋستىڭ FLIRT دەپ اتالاتىن جاڭا ءتۇرى تاراۋدا. قازىرگە دەيىن دەرتتى 200-گە جۋىق ادام جۇقتىرعان. ونىڭ بەلگىلەرى وميكرونعا ۇقساس. دەنە قىزۋى كوتەرىلىپ، بۇلشىق ەت اۋىرادى، ادام ءيىس سەزبەۋى مۇمكىن. سوڭعى شىعارىلعان ۆاكسينالار جاڭا ۆيرۋسقا قارسى يممۋنيتەت قالىپتاستىرا الادى دەيدى ماماندار.