دەنساۋلىق ساقتاۋ مينيسترلىگىنىڭ جۇقپالى اۋرۋلار جونىندەگى شتاتتان تىس مامانى، پروفەسسور ۆلاديمير چۋلانوۆ وسىلاي دەدى.
رەسەيدەگى كوروناۆيرۋستىڭ ءۇشىنشى تولقىنى بىرتە-بىرتە ءتورتىنشى تولقىنعا اينالدى، دەپ حابارلايدى Almaty-akshamy.kz ريا نوۆوستي سايتىنا سىلتەمە جاساپ.
ونىڭ ايتۋىنشا، COVID-19 ءۇشىن ەڭ قولايسىز جاعداي دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) ەۋروپالىق ايماعىندا بايقالادى. اتاپ ايتقاندا، ول كۇن سايىن «40 مىڭنان استام» جاعداي تىركەلەتىن رەسەيدى اتاپ ءوتتى.
«ءبىزدىڭ ءۇشىنشى تولقىنىمىز بىرتە-بىرتە ءتورتىنشى تولقىنعا اينالدى، ول، وكىنىشكە وراي، وڭىرلەردىڭ كوپشىلىگىندە ءالى دە جالعاسۋدا»، - دەدى چۋلانوۆ «مولەكۋليارلىق دياگنوستيكا – 2021» ح حالىقارالىق عىلىمي-تاجىريبەلىك كونفەرەنسياسىنىڭ پلەنارلىق وتىرىسىندا.
العاش رەت ىندەتتى جۇقتىرعانداردىڭ تاۋلىكتىك سانى 28 قازاندا 40 مىڭنان اسسا، 6 قاراشادا شارىقتاۋ شەگىندە 41،3 مىڭعا جەتتى. سونىمەن قاتار، رەسەيدە كوروناۆيرۋستان ءولىمنىڭ رەكوردتىق كورسەتكىشى تىركەلدى: 26 قازاننان بەرى ول 1،1 مىڭنان استى.