رەسەي ساراپشىسى بولاشاقتا كيىم دۇكەندەرى ازاياتىنىن ايتتى
سانالى تۇردە تۇتىنۋ ترەندى 2035 جىلعا قاراي رەسەيدە دۇكەندەردىڭ شامامەن 20%-عا جۋىعىنىڭ جابىلۋىنا اكەلەدى. مۇنداي بولجامدى Beinopen ءسان يندۋسترياسىن دامىتۋ ينستيتۋتىنىڭ نەگىزىن سالۋشى، WearNet ۇلتتىق تەحنولوگيالىق باستامالار جۇمىس توبىنىڭ جەتەكشىسى الەكسەي باجەنوۆ مالىمدەدى، دەپ حابارلايدى Almaty-akshamy.kz ءتىلشىسى ريا نوۆوستيعا سىلتەمە جاساپ.
«ونلاين-ساتىلىمدار پاندەميادا ەكى ەسە ءوسىپ، جالپى ساتىلىمنىڭ كولەمى 15%-عا دەيىن جەتكەن، سونىڭ ىشىندە، دۇكەندەردىڭ 40%-ى جابىلعان. ولاردىڭ جابىلعانىمەن، تۇتىنۋشىلار الەمى وزگەرگەن جوق، بۇل ادامدارعا زاتتاردىڭ دا، دۇكەندەردىڭ دە وسىنشالىق كوپ مولشەردە قاجەت ەمەس ەكەنىن بىلدىرەدى. Wear Net قاۋىمداستىعىنىڭ باعالۋى بويىنشا، رەسەيدە 2035 جىلعا قاراي 20%-عا جۋىق ريتەيلەر جابىلادى»، - دەيدى ساراپشى.
ول «بۇعان دەيىن جۋرنالدار، تەليەۆيدەنيە، سونىمەن بىرگە، برەندتەردىڭ ءوزى كوبىرەك تۇتىنۋ قاجەتتىگىن ايتتى، ساندىك تۇرعىدا ۇلكەن گاردەروب بولۋى كەرەك دەگەن ءجيى ايتىلاتىن. ءقازىر بۇل جۋرنالداردىڭ ءبارى سانالى تۇردە تۇتىنۋ تۋرالى، قاجەتسىز زاتتار كولەمى ادامنىڭ وزىنە عانا ەمەس، قورشاعان ورتاعا دا زيانىن تيگىزىتىن» ايتىپ تولىقتىردى.
باجەنوۆتىڭ سوزىنشە، ءسان سالاسىندا سانالى تۇردە تۇتىنۋ بەلەڭ الا باستاعان: ءىرى برەندتەر قاتارى ەسكى زاتتاردى قايتا وڭدەۋدىڭ ىسكە قوسىلاتىنى تۋرالى، تەك ەكولوگيالىق ماتەريالداردى پايدالانۋ مەن جەكە كيىم جەلىسىن قۇرۋ تۋرالى جاريالادى. تۇتىنۋشىلار ءوز كەزەگىندە، ەكولوگيالىق تۇرعىدا ءتيىمدى، قايتا وڭدەۋگە قولجەتىمدى جانە ۇزاققا جەتەتىن ساتىپ الۋلارعا قىزىعۋشىلىعى ارتقان.
«ءبىرىنشى كەزەكتە، ءبىزدىڭ بولجام بويىنشا، اتاۋلار جوق، ءبىز بىلمەيتىن شاعىن ريتەيلەرلەر جابىلادى. الايدا ءبىز بۇل جەردە ستارتاپتار تۋرالى ايتىپ وتىرعان جوقپىز - دامىپ كەلە جاتقان برەندتەر جاڭا تەندەنسيالاردى كورەدى جانە نەگىزىنەن ەكو-جاۋاپتى. ەكىنشىدەن، ساۋدا ورتالىقتارىنداعى جەلىلەردىڭ نۇكتەلەرى جابىلادى. پاندەميا كەزىندە ساۋدا ورتالىعىنداعى دۇكەندەردىڭ 13 پايىزى ىستەن شىقتى. ءسىز مۇنى بايقادىڭىز با؟ وسىعان بايلانىستى ءسىزدىڭ ءومىرىڭىزدىڭ ساپاسى نەمەسە تاڭداۋىڭىز ناشارلادى ما؟ قايدام» - دەدى ول.