قازاقستان پرەزيدەنتىنە سوت جۇيەسىن جاڭعىرتۋ جۇمىستارى جونىندە مالىمەت بەرىلدى.
جوعارعى سوت ءتوراعاسى مەملەكەت باسشىسىنا اكىمشىلىك راسىمدىك-پروسەستىك كودەكس كۇشىنە ەنگەننەن كەيىنگى 4 اي ىشىندەگى ناتيجەلەر تۋرالى ايتتى. ونىڭ ايتۋىنشا، جاڭا كودەكستىڭ ەنگىزىلۋى شەنەۋنىكتەردىڭ ويلاۋ جۇيەسىن وزگەرتۋگە جانە ءتارتىبىن كۇشەيتۋگە باعىتتالعان دەپ حابارلايدى almaty-akshamy.kz
سونىمەن قاتار جاقىپ اسانوۆ پرەزيدەنتكە داۋ-جانجالداردى شەشۋدىڭ بالامالى تاسىلدەرىن ەنگىزۋ، سىبايلاس جەمقورلىققا قارسى جاڭا جوبالاردى ىلگەرىلەتۋ، بىركەلكى سوت تاجىريبەسىن جانە قىلمىستىق پروسەستە تاراپتاردىڭ شىنايى جارىسىن قامتاماسىز ەتۋ جونىندە باياندادى.
قاسىم-جومارت توقايەۆ جۇرگىزىلىپ جاتقان رەفورمالاردىڭ زاڭ ۇستەمدىگىن تولىق قامتاماسىز ەتۋى، ازاماتتاردىڭ قۇقىقتارىنىڭ قورعالۋ دەڭگەيىنىڭ ارتۋىنا سەپتىگىن تيگىزۋى جانە بيلىكتىڭ سوت تارماعىنا دەگەن قوعامنىڭ سەنىمىن كۇشەيتۋى قاجەت ەكەنىن اتاپ ءوتتى.