رەسەيدە كوروناۆيرۋس ينفەكسياسىنىڭ NB.1.8.1 دەپ اتالاتىن جاڭا ءتۇرىن جۇقتىرۋدىڭ ءتورت جاعدايى تىركەلدى، دەپ حابارلايدى aqshamnews.kz
ءقازىر جاعداي روسپوترەبنادزوردىڭ باقىلاۋىندا. تاسس اگەنتتىگىنىڭ اقپاراتىنشا، بۇل تۋرالى جۋرناليستەرگە سانيتارلىق باقىلاۋ مەكەمەسىنىڭ باسشىسى اننا پوپوۆا مالىمدەدى. ونىڭ ايتۋىنشا، ءتۇرلى ەلدەردىڭ بۇقارالىق اقپارات قۇرالدارىندا COVID-19-دىڭ جاڭا گەنەتيكالىق نۇسقاسى – NB.1.8.1 پايدا بولعانى تۋرالى مالىمەتتەر تارالىپ جاتىر.
"بۇل گەنوۆاريانت العاش رەت بيىلعى جىلدىڭ قاڭتار ايىندا قىتايدا انىقتالىپ، سيپاتتالدى. كەيىن ول ازيا ەلدەرىندە، ءۇندىستاندا جانە امەريكا قۇراما شتاتتارىندا تىركەلدى... بۇگىنگى تاڭدا رەسەي فەدەراسياسىندا دا انىقتالدى، وسى جاڭا كوروناۆيرۋس ءتۇرىن جۇقتىرۋدىڭ ءتورت جاعدايى تىركەلدى. بۇل بەلگىلى ءبىر الاڭداۋشىلىق تۋدىرادى"، – دەدى ول.