سانكسيا سالدارىنان ەلدە اۆتوموبيل ءوندىرىسى توقتادى.
20-عا جۋىق كاسىپورىندا جۇمىسشىلار ۇزاق مەرزىمدى اقىسىز دەمالىسقا جىبەرىلگەن. شامامەن 300 مىڭعا جۋىق ادام جۇمىسسىز قالۋى مۇمكىن. ويتكەنى كاسىپورىندار جۇمىس ىستەمەي تۇر. قاجەتتى بولشەكتەردىڭ 60-70 پايىزى وزگە ەلدەردەن يمپورتتالاتىن. رەسەيدە ەڭ جوعارى سۇرانىسقا يە اۆتوموبيل بولشەكتەرىنىڭ باعاسى بىرنەشە ەسە ءوستى، دەپ حابارلايدى Almaty-akshamy.kz.
ۆاليۋتا باعامىنىڭ تۇراقسىزدىعى مەن لوگيستيكانىڭ ايتارلىقتاي كۇردەلەنۋى وسىنداي جاعدايعا اكەپ سوقتىردى.
«كولىككە ارنالعان بولشەكتەردى ىزدەۋمەن كۇنىمىز وتەدى. بۇرىن ەۋروپادان بولشەكتەردى الىپ كەلەتىنبىز، ءقازىر ونداي مۇمكىندىك جوق. قىتايدان ارزان تاۋاردى الامىز ءبىراق ول سايكەس كەلمەيدى. ءومىر ءسۇرۋ قيىندادى. ءبارى قىمباتتاپ جاتىر»، - دەيدى كولىك جۇرگىزۋشىسى ماكسيم پوجيلوي.
ءقازىر اۆتوسالونداردا كولىك مۇلدە جوق. جالپى، كولىك ساتۋ 96 پايىزعا ازايعان. سونىمەن قاتار، اۆتونەسيە باعدارلاماسى دا مۇلدە توقتادى. ساراپشىلار ماسەلەنى تۇبەگەيلى شەشۋگە بىرنەشە جىل كەرەك بولاتىنىن مالىمدەپ وتىر.