بيىل قاڭتار-تامىز ايلارىندا تەمىرجول كولىگىمەن 13،1 ملن ادام قاتىناعان.
سەگىز ايدىڭ قورىتىندىسى بويىنشا، تەمىرجول كولىگى سالاسىنداعى كومپانيالاردىڭ كىرىسى ءبىر جىل بۇرىنعى 739،6 ملرد تەڭگەنىڭ ورنىنا 851 ملرد تەڭگەگە جەتىپ، قۇندىق ماندە 15،1% ءوستى، دەپ حابارلايدى Almaty-akshamy.kz Energyprom.kz-كە سىلتەمە جاساپ.
كىرىستىڭ باسىم بولىگى جۇك تاسىمالداۋدان تۇسكەنن: 786،4 ملرد تەڭگە. قالعان 64،6 ملرد تەڭگە جولاۋشىلار تاسىمالىنا تيەسىلى.
بيىل قاڭتار-تامىز ايلارىندا تەمىرجول كولىگىمەن 13،1 ملن ادام قاتىناعان. بۇل بىلتىرعىمەن سالىستىرعاندا 32،6% ارتىق. وڭىرلىك تۇرعىدا جولاۋشىلاردىڭ باسىم بولىگى ەلوردادا، اقتوبە جانە قىزىلوردا وبلىستارىندا. ەڭ ازى باتىس قازاقستان وبلىسىندا.
2022 جىلى جولاۋشىلار اينالىمى 11،1 ملرد تكم-گە جەتتى. بۇل ءبىر جىل ىشىندە 38،4% ءوستى.
بيىلعى سەگىز ايدىڭ قورىتىندىسى بويىنشا تەمىرجول كولىگىمەن 273 ميلليون توننا جۇك پەن باگاج تاسىمالداندى. بۇل ءبىر جىل بۇرىنعى كورسەتكىشپەن شامامەن بىردەي (مينۋس 0،2% عانا).
ەڭ كوپ جۇكتەر مەن باگاج اقتوبە جانە اقمولا وبلىستارىندا، سونىمەن قاتار ەلوردادا. ەڭ ازى باتىس قازاقستان وبلىسىندا تاسىمالدانعان. ەلىمىزدەگى جۇك اينالىمى 5،4% ءوسىپ، 206،2 ملرد تكم بولدى.