رەسەي فەدەراسياسىنان اسا ءىرى مولشەردە الاياقتىق جاساعان كۇدىكتى ەكستراديسيالاندى

رەسەي فەدەراسياسىنان اسا ءىرى مولشەردە الاياقتىق جاساعان كۇدىكتى ەكستراديسيالاندى، - دەپ حابارلايدى اqshamnews.kz ءتىلشىسى. 

قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا رەسەي فەدەراسياسىنان بيۋدجەت قاراجاتىن اسا ءىرى مولشەردە جىمقىردى دەگەن كۇدىككە ىلىنگەن ەر ادام ەكستراديسيالاندى.

تەرگەۋ بارىسىندا بۇل تۇلعا قۇرىلىس كومپانياسىنىڭ باسشىسى بولا وتىرىپ، 2020 جىلدان 2022 جىلعا دەيىنگى ارالىقتا ادامدار توبىمەن الدىن الا ءسوز بايلاسۋ ارقىلى جالعان شارتتار جاساسىپ، اففيليرلەنگەن كومپانيالار ارقىلى اقشا قاراجاتىن اۋدارۋ جولىمەن "سامۇرىق-ەنەرگو" اق-نىڭ ەنشىلەس ۇيىمىنان 8،5 ملرد تەڭگەدەن استام بيۋدجەت قاراجاتىن جىمقىرعانى انىقتالدى.

بۇل قاراجات اقمولا وبلىسىندا جەل ەلەكتر ستانسياسىن سالۋعا ارنالعان بولاتىن.

قىلمىس جاساعاننان كەيىن كۇدىكتى جاسىرىنىپ، وعان حالىقارالىق ىزدەۋ جاريالانعان.

بيىل اقپاندا ول رەسەي فەدەراسياسىنىڭ اۋماعىندا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا ونى ەكستراديسيالاۋ تۋرالى شەشىم قابىلداندى.

ءقازىر كۇدىكتى تەرگەۋ يزولياتورىنا قامالدى.

قىلمىسقا قاتىسى بار باسقا تۇلعالار بيىل مامىردا ءارتۇرلى مەرزىمگە باس بوستاندىعىنان ايىرۋ جازاسىنا سوتتالدى.

قىلمىستىق زاڭمەن ايىپتالعان ارەكەتتى جاساعانى ءۇشىن مۇلكى تاركىلەنىپ، 5 جىلدان 10 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.