ءىس-شارانىڭ ماقساتى – حالىقتىڭ رەپرودۋكتيۆءتى دەنساۋلىعىنىڭ ماڭىزدىلىعى تۋرالى حاباردارلىعىن ارتتىرۋ جانە سالاۋاتتى ءومىر سالتىن ناسيحاتتاۋ.
2024 جىلعى 24 ماۋسىمنان 28 ماۋسىمعا دەيىن قازاقستان رەسپۋبليكاسى پرەزيدەنتىءنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ۇيىمداستىرىلعان رەپرودۋكتيۆتءى دەنساۋلىق اپتالىعى وتەدى، دەپ حابارلايدى اlmaty-akshamy.kz.
ەرلەر مەن ايەلدەردىڭ رەپرودۋكتيۆءتى دەنساۋلىعىن قورعاۋ جاعدايلارىن جاساۋعا قاتىستى مىندەتتەر قازاقستان رەسپۋبليكاسىندا 2030 جىلعا دەيىنگى وتباسىلىق جانە گەندەرلىك ساياساتتى دامىتۋ تۇجىرىمداماسىندا بەلگىلەنگەن.
رەپرودۋكتيۆءتى دەنساۋلىق اپتالىعى جاسوسپىرىمدەردىڭ رەپرودۋكتيۆءتى دەنساۋلىعىنىڭ ماڭىزدىلىعى، جوسپارلانباعان جۇكتىلىكتى جانە جىنىستىق جولمەن بەرىلەتىن ينفەكسيالاردى (ججبي) بولدىرماۋ ادىستەرى تۋرالى تومەن حاباردارلىعى، ايتۆ ينفەكسياسى مەن ءججبي-دىڭ تارالۋىنىڭ ءوسۋى، سونداي-اق جاتىر موينى قاتەرلى ىسىگىن تۋدىراتىن ادام پاپيللوما ۆيرۋسىنىڭ الدىن الۋ قاجەتتىلىگى سياقتى ماسەلەلەردى شەشۋگە باعىتتالعان.
اپتا اياسىندا ءاقپاراتتىق-تۇسىندىرۋ ءىس-شارالارى، دەنساۋلىق ساقتاۋ ورتالىقتارىندا اشىق ەسىك كۇندەرى، جاسوسپىرىمدەرگە ارنالعان تەگىن مەديسينالىق تەكسەرۋلەر مەن كەڭەستەر ۇيىمداستىرىلادى.
اكسياعا مەملەكەتتىك ورگاندار، حالىقارالىق ۇيىمدار، ۇەۇ جانە مەديا تۇلعالار بەلسەندى قاتىسادى. نەگىزگى ماقساتتى اۋديتوريا – جاستار مەن جاسوسپىرىمدەر، رەپرودۋكتيۆتى جاستاعى ەرلەر مەن ايەلدەر، سونداي-اق مەديسينا قىزمەتكەرلەرى مەن ءبىلىم بەرۋ قىزمەتكەرلەرى.
رەپرودۋكتيۆءتى دەنساۋلىق اپتالىعى – رەپرودۋكتيۆءتى دەنساۋلىق تۋرالى سەنىمدى اقپارات الۋدىڭ، بىلىكتى ماماندارعا سۇراقتار قويۋدىڭ، تەكسەرۋدەن ءوتۋدىڭ جانە سالاۋاتتى بولاشاققا قادام جاساۋدىڭ بىرەگەي مۇمكىندىگى.