الماتى كوشى-قون قىزمەتىنىڭ مالىمەتىنشە، جۇمىسقا شەتەلدىك جۇمىس كۇشىن تارتۋدىڭ بەلگىلەنگەن تارتىبىنە قاراماستان، كەيبىر جەكە جانە زاڭدى تۇلعالار ونى ەلەمەي، سول ارقىلى قازاقستان رەسپۋبليكاسىنىڭ كوشى-قون زاڭناماسىن بۇزىپ وتىر.
وسى كۇندەرى الماتىدا جالپى قالاداعى قىلمىستىق احۋالدى جاقسارتۋعا باعىتتالعان “قۇقىقتىق ءتارتىپ” جەدەل-الدىن الۋ ءىس-شاراسىنىڭ ءۇشىنشى كەزەڭى جۇرگىزىلىپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
"كوشى-قون زاڭناماسىنىڭ ساقتالۋىن تەكسەرۋ ماسەلەلەرى – باسىمدىقتا. زاڭسىز جۇرگەندەردى انىقتاۋ جانە زاڭسىز كوشى-قوندى ۇيىمداستىرۋ ارنالارىنىڭ جولىن كەسۋ بويىنشا جەرگىلىكتى رەيدتەر جۇرگىزىلۋدە"، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
الماتى قالاسىنىڭ پوليسيا قىزمەتكەرلەرى كەزەكتى رەيد بارىسىندا نىسانداردىڭ بىرىندە قولدانىستاعى زاڭنامانى ورەسكەل بۇزىپ، قازاقستاندا جۇرگەن 51 شەتەلدىكتى انىقتادى. ولاردىڭ جەكە باسىن كۋالاندىراتىن قۇجاتتارى بولماعاندىقتان، پد-نىڭ قابىلداپ-تاراتۋ ورتالىعىنا ورنالاستىرىلعان. نىساننىڭ باسشىسى دا اكىمشىلىك جاۋاپكەرشىلىككە تارتىلدى.