ق ر توتەنشە جاعدايلار مينيسترلىگى قىزىلوردا مەن بۋرابايداعى جەر سىلكىنىسى تۋرالى اقپاراتتى جوققا شىعاردى
Earthquake قوسىمشاسىندا «بۋراباي» مەملەكەتتىك ۇلتتىق تابيعي پاركىنىڭ جانىندا جەر سىلكىنىسى بولعاندىعى تۋرالى مالىمەتتەر پايدا بولدى.
بۇل قوسىمشا الەمدەگى سوڭعى جەر سىلكىنىستەرىن ونلاين باقىلاۋعا مۇمكىندىك بەرەدى.
وسى سەرۆيستە پايدا بولعان اقپاراتقا سايكەس، جەر سىلكىنىسى اقمولا وبلىسىندا استانا ۋاقىتى بويىنشا ساعات 13:57-دە بولعان. كەيىنىرەك تجم باسپا ءسوز قىزمەتى اقپاراتتى جوققا شىعاردى جانە جەر استى دۇمپۋلەرى تىركەلمەگەنىن حابارلادى.
«4 اقپاندا ساعات 13:57-دە «Earthquake» قوسىمشاسى اقمولا وبلىسىنىڭ اۋماعىندا، «بۋراباي» پاركىنىڭ جانىندا بولعان جەر سىلكىنىسى تۋرالى اقپاراتتى جاريالادى. تجم سەيسميكالىق باقىلاۋلار مەن زەرتتەۋلەردىڭ ۇلتتىق عىلىمي ورتالىعى بۇل جاعدايدا جەر سىلكىنىسىن راستامايدى»، - دەلىنگەن قازاقستان تجم باسپا ءسوز قىزمەتىنىڭ حابارلاماسىندا.
كەيىنىرەك Earthquake قوسىمشاسىندا قىزىلوردادا ماگنيتۋداسى 5،6 بولاتىن جەر سىلكىنىسى تۋرالى حابارلاما پايدا بولدى. الايدا، تجم بۇل اقپاراتتى دا جوققا شىعاردى.