ۇلتتىق قوردىڭ اكتيۆتەرى $4 ملرد-قا وسكەن.
ۇكىمەت 2024 جىلى ەل ەكونوميكاسى كەمىندە 5،3% دەڭگەيىندە وسەدى دەپ بولجاپ وتىر، دەپ حابارلايدى Almaty-akshamy.kz ۇكىمەتتىڭ رەسمي رەسۋرسىنا سىلتەمە جاساپ.
وتكەن جىلدىڭ قورىتىندىسىنا سايكەس ەل ەكونوميكاسى جاڭا جاعدايلارعا بەيىمدەلىپ، ورنىقتى دامۋ جولىنا ءتۇستى.
قابىلدانعان شارالار ناتيجەسىندە ەكونوميكانىڭ ءوسىمى 5،1%-دى قۇرادى.
نەگىزگى سالالاردىڭ بارلىعى وڭ ديناميكا كورسەتتى:
قۇرىلىستا – 13،3%؛
ساۋدادا – 11،3%؛
اقپارات جانە بايلانىس قىزمەتتەرى – 7،1%؛
كولىك قىزمەتى – 6،9%؛
ونەركاسىپ – 4،3%.
نەگىزگى كاپيتالعا سالىنعان ينۆەستيسيا 13،7%-عا ءوستى.
بۇل رەتتە 2023 جىلدىڭ 9 ايىندا تىكەلەي شەتەلدىك ينۆەستيسيا (تشي) كولەمى $19،7 ملرد-تى قۇرادى.
ونىڭ ىشىندە $11 ملرد-تان استامى شيكىزاتتىق ەمەس سەكتورلارعا باعىتتالعان.
جالپى 2 جىل قاتارىنان تشي كورسەتكىشتەرى سوڭعى ونجىلدىقتاعى ەڭ جوعارى كورسەتكىشتەردىڭ بىرىنە اينالدى – ولاردىڭ جىلدىق كولەمى $26-28 ملرد دەڭگەيىندە.
قازاقستان تمد ەلدەرى اراسىندا شەتەلدىك ينۆەستيسيالاردىڭ جالپى اعىنى بويىنشا كوش باستاپ تۇر.
2023 جىلدىڭ 11 ايىندا سىرتقى ساۋدا اينالىمى 2،2%-عا ءوسىپ، $126 ملرد-تى قۇرادى.
وڭ ساۋدا بالانسى $16 ملرد-تان استى.
شيكىزاتتىق ەمەس ەكسپورت نومەنكلاتۋراسى 141 پوزيسياعا ءوستى.
ەلىمىزدىڭ حالىقارالىق رەزەرۆتەرى $96 ملرد-تى قۇرادى، ونىڭ ىشىندە ۇلتتىق قوردىڭ اكتيۆتەرى $4 ملرد-قا ءوسىپ، $60 ملرد-تان استى.
حالىقارالىق رەيتينگتىك اگەنتتىكتەر قازاقستان ەكونوميكاسىنىڭ تاۋەلسىز رەيتينگى مەن ينۆەستيسيالىق سەنىمدىلىگىن راستادى.
ۇكىمەت ۇلتتىق بانكپەن جانە جەرگىلىكتى اتقارۋشى ورگاندارمەن بىرلەسىپ ينفلياسيانى باقىلاۋ جانە تومەندەتۋ جونىندەگى كەشەندى شارالاردى ىسكە اسىرۋدا.
ناتيجەسىندە وتكەن جىلى ول 2 ەسەدەن استام تومەندەپ، 9،8%-دى قۇرادى.
2024 جىلى ينفلياسيانى 6-8% دەڭگەيىندە ۇستاۋ مىندەتى قويىلدى.
2024 جىلدىڭ قورىتىندىسى بويىنشا ەكونوميكانىڭ ءوسۋى 5،3%-دان كەم بولماۋى ءتيىس.
ۇكىمەت مەملەكەت باسشىسىنىڭ سايلاۋالدى باعدارلاماسى مەن قازاقستان حالقىنا جولداۋلارىندا بەلگىلەنگەن مىندەتتەردى ىسكە اسىرۋدى جالعاستىرۋدا. اتالعان جۇمىس ەكونوميكانى بەلسەندى ءارتاراپتاندىرۋعا، كاسىپكەرلىكتى دامىتۋعا، ينۆەستيسيا تارتۋعا جانە ازاماتتاردىڭ ءال-اۋقاتىن ەداۋىر جاقسارتۋعا باعىتتالعان. مۇنىڭ ءبارى 2029 جىلعا قاراي ءجىو-نى ەكى ەسەگە ارتتىرۋعا بەرىك نەگىز بولادى.