بۇل كورسەتكىش بويىنشا ول الەمدە ەكىنشى ورىندا تۇر.
جىلدىڭ اياعىنا دەيىن جوعارى تەحنولوگيالىق كومپانيالاردىڭ سانى 80 مىڭنان اسادى. بۇل 5G تەحنولوگياسىن كەڭىنەن ەندىرۋدىڭ ارقاسىندا مۇمكىن بولدى، دەپ حابارلايدى Almaty-akshamy.kz.
جاڭاشىلدىق ينتەرنەتتىڭ ءتۇرلى سالادا دامۋىنا ەكپىن بەردى. اسىرەسە «تۇرمىستىق زاتتار» ينتەرنەتى قۇرىلعىلار اراسىندا ءوزارا مالىمەت الماسۋعا جول اشتى. 5G جۇيەسىن پايدالانۋشىلاردىڭ 60 پروسەنتىنەن استامى قىتايدا تۇرادى، دەپ جازدى 24.kz ولاردىڭ سانى 600 ميلليونعا جەتەدى. ەلدە ۇيالى بايلانىستىڭ بەسىنشى بۋىنىنىڭ 2 ميلليون 700 مىڭنان اسا ستانسياسى سالىنعان. جىلدىڭ اياعىنا دەيىن تاعى دا التى ءجۇز مىڭىن ورناتۋ جوسپاردا بار.
- 3G تەحنولوگياسى بىزگە Apple اكەلسە، 4G-دىڭ ارقاسىندا تاكسي شاقىرۋ مەن ۇيگە تاعام مەن وزگە تاۋاردى جەتكىزۋ قىزمەتتەرىن قولدانا باستادىق. ال 5G – الىپ كاسىپورىندارمەن بايلانىس ورناتتى. بايلانىستىڭ بەسىنشى بۋىنىن ءتۇرلى ماقساتتا پايدالانۋعا بولادى. ماڭىزدىلاردىڭ ءبىرى - تۇرمىستىق زاتتار ينتەرنەتى. بۇل ونەركاسىپ پەن زاتتار ينتەرنەتىنىڭ ۇيلەسىپ، بۇكىل سالانى سيفرلاندىرۋعا زور مۇمكىندىك بەردى. سوندىقتان 5G تۇرمىسىمىزعا، وندىرىسكە، مەملەكەت دامۋىنىڭ بارلىق سالالارىنا وڭ اسەر ەتتى. كومپانيالار ءوز وندىرىسىنە سيفرلىق تەحنولوگيالاردى قارقىندى ەندىرىپ جاتىر. بۇل ءونىمىنىڭ وزىندىك قۇنىن تومەندەتۋگە كومەكتەسەدى، دەيدى عىلىم مەن تەحنولوگيالار سالاسىندا قىزمەت كورسەتەتىن كومپانيا وكىلى سزي پەنفەي.
- سيفرلىق ءوندىرىس زاۋىتتارعا ونىمىدىلىگىن ارتتىرۋعا، ادام ەڭبەگىنەن شىعىنىن ازايتۋعا جانە ساپاسىن ارتتىۋعا كومەكتەسەدى. ياعني بۇكىل كاسىپورىننىڭ تيىمدىلىگى ارتادى. مىسالعا وسى زاۋىتتىڭ ونىمدىلىگى 128 پروسەنتكە ءوستى. وعان قوسا اۋانىڭ لاستانۋىن ازايتتى. وتكەن جىلى قىتايدا سيفرلىق ەكونوميكانىڭ ۇلەسى 40 پروسەنتتەن اسقان بولاتىن. ەل بيلىگى 2019 جىلى 5G تەحنولوگياسىن قولدانۋدى قولداعان. ءقازىر بايلانىستىڭ وسى ءتۇرى سالانىڭ 67 پروسەنتىندە بار. ەندى شاعىن مەن ورتا بيزنەستى جاڭاشىلدىققا تارتۋ كوزدەلىپ وتىر، دەپ ءوز پىكىرىن ءبىلدىردى اقىلدى تەحنولوگيالار ءوندىرىسى سالاسىنداعى كومپانيا وكىلى سين شاوحۋا.