تانىمال ەسىمدەر: ءاليحاندار ءبىرىنشى ورىندا

بيىلعى بەس ايدا قازاقستاندىقتار اراسىندا ءساندى بولعان توپ-7 ەسىم.

ۇلتتىق ستاتيستيكا بيۋروسىنىڭ مالىمەتى بويىنشا، 2022 جىلى تانىمال بولعان مەدينا مەن ءاليحان ەسىمدەرى 2023 جىلعى رەيتينگتە ءالى دە كوش باسىندا، دەپ حابارلايدى Almaty-akshamy.kz.

بيىل ءاليحان دەگەن ەسىم 1420 ۇلعا قويىلعان. ەكىنشى ورىندا رامازان ەسىمى. رامازان دەپ 2023 جىلى  1354 بالاعا ازان شاقىرىلىپ، وسى ات بەرىلگەن. البەتتە، اتا-انالاردىڭ بۇل نىسپىنى تاڭداۋىنا مۇمىلمانداردىڭ قاسيەتتى ايى سەبەپ بولعان. ءۇشىنشى ورىنعا ومار ەسىمى تۇراقتادى. وسى ەسىممەن 1240 بالا دۇنيەگە كەلگەن. ايسۇلتان ەسىمى ءتورتىنشى ورىندا. ۇلدارعا بۇل ەسىم 1209 رەت بەرىلدى. بەسىنشى ورىندى ءامىر ەسىمى الادى. بۇل اتپەن ۇلدار 1023 رەت اتالعان.  التىنشىدا الديار-ولاردىڭ 1001ء-ى دۇنيەگە كەلدى. ال 935 ءسابيدىڭ تۋۋ تۋرالى كۋالىگىنە مۇحاممەد دەپ جازىلىپ، كوشباسشى جەتىلىكتى جاپتى. جالپى ەسىمدەر تىزىمىنە الينۇر، الي، حامزا، ارسەن، ومار، نۇريسلام، ەراسىل، يسلام جانە مۋسليم دە كىردى.

ال قىزدارعا مەدينا، ايشا، ايلين، اسىلىم، سافيا دەگەن ەسىمدەر ءجيى قويىلعان. بيىل 2961 قىزعا مەدينا ەسىمى بەرىلدى. ايشا ەسىمى بار 3152 قىزعا جانە ايلين ەسىمى بار 1927 قىزعا قويىلعان. اسىلىم ەسىمىن 1838 قىزدىڭ اتا-اناسى تاڭداعان. رايانالاردىڭ سانى - 1661. سوفيالار - 1449. توميريستەر بولسا، كوشباسشى جەتىلىكتى تۇيىقتايدى، 1447 قازاقستاندىق ءوز قىزدارىنىڭ وسى ەسىممەن اتاعان. سونداي-اق، ايەل ەسىمدەرى اراسىندا اسىلىم، ايزەرە، ءماريام، ايالا، ايىم، ايارۋ، امينا، ادينا تانىمال بولدى.