8 ماۋسىم كۇنى الماتى-قورعاس تاسجولىنىڭ 190-شاقىرىمىندا بەتون پليتالار كوتەرىلىپ كەتتى، دەپ حابارلايدى Almaty-akshamy.kz.
ونىڭ ۆيدەوسى الدىمەن ادەۋمەتتىك جەلىدە تارادى .
ارتىنشا بۇل اقپاراتتى «قازاۆتوجول» مەكەمەسىنىڭ باسپا ءسوز قىزمەتى دە راستادى.
«8 ماۋسىم كۇنى شامامەن كەشكى ساعات 20:25-تە وڭتۇستىك باعىتتاعى جولدىڭ 190-شى شاقىرىمىندا جولدىڭ ءجۇرۋ بولىگىندە سەمەنت-بەتون جابىنى كوتەرىلىپ كەتتى. بۇگىنگى كۇنى جوعارىدا اتالعان ولقىلىقتى جويۋ جۇمىستارى اياقتالدى. كولىكتەردىڭ ءقاۋىپسىز قوزعالۋى قامتاماسىز ەتىلدى»، - دەپ جاۋاپ بەردى «قازاۆتوجول» اق باسپا ءسوز قىزمەتى.
ايتا كەتەيىك، وسىدان ەكى جىل بۇرىن كۇننىڭ قاتتى ىسۋىنان الماتى-قورعاس تاسجولىنىڭ 86 شاقىرىمىندا بەتون پليتالار قوزعالعان بولاتىن.