جەتىسۋ وبلىسىنىڭ ورتالىعى، وڭتۇستىگى مەن تاۋلى ايماقتارىندا بولجام بويىنشا، تۇمان ءتۇسىپ، كوكتايعاق بولادى
سينوپتيكتەر 5 قاڭتاردا قازاقستاننىڭ ءبىرقاتار وڭىرىندە داۋىل سوعاتىنىن ەسكەرتتى، دەپ حابارلايدى Almaty-akshamy.kz «قازگيدرومەت» رمك باسپا ءسوز قىزمەتىنە سىلتەمە جاساپ.
اقمولا وبلىسىنىڭ باتىس، وڭتۇستىك، شىعىس بولىكتەرىندە بوران تۇرىپ، تۇمان، كوكتايعاق بولۋى مۇمكىن. وبلىستىڭ باتىس، وڭتۇستىك، شىعىس بولىگىندە وڭتۇستىك-باتىستان سەكۋندىنا 15-20 مەترگە جەتەتىن جەل سوعۋى مۇمكىن، شىعىستا تۇندە ونىڭ كۇشى 23 م/س جەتەدى.
اقتوبە وبلىسىنىڭ سولتۇستىگى مەن وڭتۇستىگىندە كوكتايعاق بولادى. وبلىستىڭ وڭتۇستىك-باتىسىندا تۇمان ءتۇسۋى مۇمكىن. وبلىستىڭ سولتۇستىگى مەن ورتالىعىنا وڭتۇستىك-باتىستان سوققان جەلدىڭ ەكپىنى 17 م/س جەتەدى.
استانا قالاسىندا بۇرقاسىن بولۋى مۇمكىن. تۇندە جانە تاڭەرتەڭ وڭتۇستىك-باتىستان جەل سوعىپ، جىلدامدىعى 15-20 م/س جەتەدى.
جامبىل وبلىسىنىڭ تاۋلى ايماقتارىندا، وڭتۇستىگىندە تۇمان تۇسەدى. وڭتۇستىك-باتىستان جەل سوعادى. ونىڭ ەكپىنى وڭتۇستىك-باتىستا، تاۋلى ايماقتاردا 15-20 م/س بولسا، تۇندە جانە تاڭەرتەڭ 23-28 م/س دەيىن كۇشەيەدى. تاراز قالاسىندا تۇمان ءتۇسۋى مۇمكىن. وڭتۇستىك-باتىستان سوققان جەلدىڭ جىلدامدىعى تۇندە جانە تاڭەرتەڭ 15-20، كەي جەرلەردە 23-28 م/س دەيىن بولادى.
جەتىسۋ وبلىسىنىڭ ورتالىعى، وڭتۇستىگى مەن تاۋلى ايماقتارىندا بولجام بويىنشا، تۇمان ءتۇسىپ، كوكتايعاق بولادى. وبلىستىڭ سولتۇستىك-شىعىسىندا وڭتۇستىك-باتىستان جەل سوعىپ، جىلدامدىعى 15-20 م/س جەتەدى.
باتىس قازاقستان وبلىسىنىڭ سولتۇستىگى مەن شىعىسىندا تۇمان، كوكتايعاق بولۋى مۇمكىن.
ورال قالاسىندا تۇندە جانە تاڭەرتەڭ تۇمان ءتۇسىپ، كوكتايعاق بولادى.
ماڭعىستاۋ وبلىسىنىڭ باتىسى، وڭتۇستىگى مەن ورتالىعىندا تۇمان تۇسەدى. سولتۇستىگىندە كوكتايعاق بولۋى مۇمكىن. وبلىستىڭ وڭتۇستىك-باتىسىندا سولتۇستىك-باتىستان جەل سوعىپ، ەكپىنى 15-20 م/س جەتەدى. اقتاۋ قالاسىندا تۇندە تۇمان بولۋى مۇمكىن.
قىزىلوردا وبلىسىنىڭ سولتۇستىگىندە تۇمان، كوكتايعاق بولادى. وبلىس ورتالىعىندا تۇندە جانە تاڭەرتەڭ وڭتۇستىك-باتىستان سوعاتىن جەل سولتۇستىك-باتىسقا قاراي اۋىسىپ، 15-20 م/س جەتەدى.
پاۆلودار وبلىسىنىڭ شىعىسى مەن وڭتۇستىگىندە جاياۋ بۇرقاسىن، كوكتايعاق بولادى. وڭتۇستىك پەن شىعىسقا وڭتۇستىك-باتىستان جەل سوعادى. جىلدامدىعى – 15-20 م/س. پاۆلودار قالاسىندا جاياۋ بۇرقاسىن، كوكتايعاق بولۋى مۇمكىن. تاڭەرتەڭ جانە تۇندە جىلدامدىعى 15-18 م/س بولاتىن وڭتۇستىك-باتىستان جەل سوعادى.
سولتۇستىك قازاقستان وبلىسىنىڭ كوپ بولىگىندە تۇندە قار جاۋادى. وڭتۇستىك-باتىسىندا جاياۋ بۇرقاسىن بولۋى مۇمكىن. باتىس، شىعىسىندا تۇمان تۇسەدى.
تۇركىستان وبلىسىنىڭتاۋلى ايماقتارىندا جاياۋ بۇرقاسىن بولۋى مۇمكىن. وبلىستىڭ وڭتۇستىگى مەن تاۋلى وڭىرلەرىندە تۇمان تۇسەدى. سولتۇستىك، باتىس جانە تاۋلى ايماعىنا وڭتۇستىكتەن، وڭتۇستىك-باتىستان جەل سوعادى. جىلدامدىعى كۇندىز – 15-20 م/س، تۇندە جانە تاڭەرتەڭ سەكۋندىنا 25 مەترگە دەيىن جەتەدى.
تۇركىستان قالاسىندا وڭتۇستىكتەن، وڭتۇستىك باتىستان جەل تۇرادى، جىلدامدىعى – 15-20 م/س.
شىعىس قازاقستان وبلىسىندا جاۋىن-شاشىن ءتۇسۋى مۇمكىن، سولتۇستىگى مەن شىعىسىندا قالىڭ قار جاۋادى. وبلىستىڭ كوپ بولىگىندە بوران، كوكتايعاق بولادى. وڭتۇستىك-شىعىستان، وڭتۇستىكتەن سوققان جەلدىڭ جىلدامدىعى 23-28 م/س دەيىن كۇشەيەدى. وسكەمەن قالاسىندا جاۋىن-شاشىن، بۇرقاسىن، كوكتايعاق بولادى. وڭتۇستىك-شىعىس، وڭتۇستىكتەن سوققان جەلدىڭ جىلدامدىعى 15-20 م/س جەتەدى.
اباي وبلىسىندا جاۋىن-شاشىن بولادى، شىعىسى مەن وڭتۇستىگىندە قالىڭ قار جاۋادى. وبلىستىڭ كوپ بولىگىندە بوران، كوكتايعاق بولۋى مۇمكىن. وڭتۇستىك، وڭتۇستىك-باتىستان 23-28 م/س دەيىن جەتەتىن جەل سوعادى. سەمەي قالاسىندا جاۋىن-شاشىن، بوران، كوكتايعاق بولادى. وڭتۇستىك، وڭتۇستىك-باتىستان سەكۋندىنا 15-20 مەترگە جەتەتىن جەل سوعادى.
قاراعاندى وبلىسىنىڭ وڭتۇستىگى، شىعىسى مەن سولتۇستىگىندە بوران، تۇمان، كوكتايعاق بولۋى مۇمكىن. وڭتۇستىك-باتىستان جەل سوعىپ، جىلدامدىعى 23-28 م/س دەيىن، كۇندىز سولتۇستىگى مەن شىعىسىندا 15-20 م/س جەتەدى. قاراعاندى قالاسىندا بوران، كوكتايعاق بولۋى مۇمكىن. وڭتۇستىك-باتىستان سەكۋندىنا 15-20 مەترگە جەتەتىن جەل تۇرادى.
ۇلىتاۋ وبلىسىنىڭ كوپ بولىگىندە بۇرقاسىن، تۇمان، كوكتايعاق بولۋى مۇمكىن. وڭتۇستىك-باتىستان تۇندە 15-20 م/س جەل سوعادى، كەي جەرلەردە 25 م/س دەيىن جەتەدى. كۇندىز سولتۇستىگى مەن شىعىسىندا سوققان جەلدىڭ جىلدامدىعى سەكۋندىنا 15-20 مەتر بولادى. جەزقازعان قالاسىندا بوران تۇرىپ، كوكتايعاق بولادى. وڭتۇستىك-باتىستان جەل سوعىپ، جىلدامدىعى تۇندە 15-20 م/س جەتەدى.