قار كوشكىنى ءجۇرۋى مۇمكىن.
كۇننىڭ بۇزىلۋىنا بايلانىستى توتەنشە جاعدايلار دەپارتامەنتىنىڭ وكىلدەرى تۇرعىندارعا تاۋعا شىقپاۋعا كەڭەس بەردى، دەپ حابارلايدى Almaty-alshamy.kz.
«15-17 اقپان كۇنى جىلىمىقتىڭ اسەرىنەن جانە قار جامىلعىسىنىڭ تۇراقسىز بولۋىنا بايلانىستى ۇلكەن جانە كىشى الماتى سۋ الابىندا قار كوشكىنى ءجۇرۋى مۇمكىن. قيىن جاعدايعا ۇرىنباس ءۇشىن، تاۋ بوكتەرىنە شىعۋعا تىيىم سالىنادى. تاۋدا اباي بولىڭىزدار»، - دەپ ەسكەرتەدى الماتى قالالىق تجد باسپا ءسوز قىزمەتى.
وسىعان بايلانىستى تجد الماتى تۇرعىندارى مەن قوناقتارىنا مىناداي قاۋىپسىزدىك شارالارىن نازاردا ۇستاۋدى ۇسىنادى:
- قاتتى جاۋىن-شاشىن ( قار، جاڭبىر) نەمەسە قاتتى داۋىل تۋرالى ەسكەرتۋ جاريالانعان جاعدايدا، تاۋلى ايماققا بارۋدى كەيىنگە قالدىرعان دۇرىس؛
- ەگەر ءسىز كىشىگىرىم توپىراق كوشكىندەرىن بايقاساڭىز، وندا تاۋعا بارماعانىڭىز ءجون. قارقىندى جاۋىن-شاشىن تۇسكەن جاعدايدا تومەن تاۋلى ايماقتا توپىراق كوشكىنى بولۋى مۇمكىن؛
- ەگەر ءسىز تاۋدا بولساڭىز، مۇقيات بولىڭىز جانە اۋا رايىنىڭ وزگەرۋىن قاداعالاڭىز؛
- ەگەر ءسىز تاۋ بوكتەرىندە قاردىڭ جىلجۋىن، قاردىڭ تۇيىرشىكتەرىن بايقاساڭىز، وندا تاۋعا بارماعانىڭىز ءجون، بۇل قاردىڭ تۇراقسىز كۇيدە ەكەنىن، كوشكىن ءقاۋپى بار ەكەنىن بىلدىرەدى؛
- ۇيگە تىم كەش قايتىپ جۇرمەڭىز، كەرى باعىتتى تابا الماۋىڭىز مۇمكىن؛
- ريۋكزاكتاردا مىنالار بولۋى ءتيىس: جىلى كيىمدەر، كۇتپەگەن جاعدايدا دارىگەرگە دەيىنگى كومەك كورسەتۋگە ارنالعان ءدارى قوبديشاسى، GPS ناۆيگاتورلارىنىڭ بولۋى ارتىق ەتپەيدى؛
- ەشبىر جاعدايدا تاۋعا جالعىز بارماڭىز؛
- تۋعان-تۋىستارىڭىز بەن جاقىندارىڭىزعا باراتىن جەرىڭىزدى ايتىپ كەتىڭىز.