سوت جولامانوۆتىڭ ءبىرقاتار اۋىر سىرقاتتارى بار ەكەنىن ەسكەرگەن
ق ر ۇقك شەكارا قىزمەتىنىڭ بۇرىنعى باسشىسى نۇرلان جولامانوۆ قاماۋدان بوساتىلدى. بۇل تۋرالى سەمەي قالالىق سوتىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
«سەمەي قالاسىنىڭ №2 سوتى ازامات ج. ءوتىنىشى بويىنشا جازانى وتەۋدى شارتتى جازاعا اۋىستىرۋ تۋرالى ماتەريالداردى قارادى. ونىڭ زاڭدا بەلگىلەنگەن جازا مەرزىمىنىڭ ءبىر بولىگىن وتەگەنىن، جازانى وتەۋ كەزىندە ءوزىن جاقسى جاعىنان كورسەتكەنىن، ءىس جۇرگىزۋ شىعىندارىن تولەگەنىن، سوت ۇكىمى بويىنشا ازاماتتىق تالاپ قويماعانىن، جازاسىن وتەۋ كەزىندە 19 كوتەرمەلەۋى بار ەكەنىن، جازانى وتەۋ مەرزىمىنە قوسىمشا اقى اۋدارىلعانىن، سونداي-اق وسى مەكەمەنىڭ قوعامدىق ومىرىنە جانە تاربيەلىك شارالارىنا بەلسەندى قاتىسقانىن ەسكەرە وتىرىپ، جازانى تولىق وتەۋدىڭ قاجەتى جوق دەپ ۇيعاردى»، - دەلىنگەن حابارلامادا.
باسپا ءسوز قىزمەتى استانا قالاسىنىڭ مامانداندىرىلعان اۋدانارالىق اسكەري سوتىنىڭ 2015 جىلعى 6 ناۋرىزداعى ۇكىمىمەن ن.ا. جولامانوۆتىڭ مۇلكى تاركىلەنىپ، جازاسىن قاتاڭ رەجيمدەگى كولونيادا وتەۋ ءۇشىن 11 جىلعا باس بوستاندىعىنان ايىرىلعانىن جانە 2025 جىلعى قازاندا عانا بوستاندىققا شىعۋى ءتيىس ەكەنىن ەسكە سالدى. ءبىراق سوتتالۋشى شارتتى تۇردە مەرزىمىنەن بۇرىن بوساتۋ تۋرالى ءوتىنىشىن قاناعاتتاندىرۋدى سۇرادى. سوتتالۋشىنىڭ ادۆوكاتتارى سوتتالۋشىنىڭ ءوتىنىشىن قولدادى. مەكەمە وكىلى دە قارسى بولعان جوق. سەمەي پروكۋرورى دا ن. جولدامانوۆتىڭ ءوتىنىشىن قاناعاتتاندىرۋىن وتىنگەن.
«سوت كەلەسى نەگىزدەر بويىنشا ازامات ج-نىڭ شارتتى تۇردە مەرزىمىنەن بوساتۋ تۋرالى ءوتىنىشىن قاناعاتتاندىرۋ قاجەت دەپ تاپتى. جوعارعى سوتتىڭ 02.10.2015 جىلعى №6 نورماتيۆتىك قاۋلىسىنىڭ 9-تارماعىنا سايكەس جانە سيپاتتامالىق دەرەكتەردى ەسكەرە وتىرىپ، سوت ونى وڭ وزگەرىستەر رەتىندە تۇزەتۋ جانە جازانى ودان ءارى وتەۋ ءۇشىن نەگىز جوق دەپ باعالادى. سونداي-اق ءبىرقاتار اۋىر سىرقاتتارى بار ەكەنىن دە ەسكەردى»، - دەدى قالالىق سوت.
سوت اكتىسى ءالى زاڭدى كۇشىنە ەنگەن جوق.