مانيەۆرلەر بارىسىندا ەكيپاجداردىڭ دايىندىق دەڭگەيى جەتىلدىرىلدى
«باتىل تويتارىس – 2022» وقۋ-جاتتىعۋى شەڭبەرىندە اسكەري-تەڭىز كۇشتەرىنىڭ اسكەري قىزمەتشىلەرى كورابلدەردى ديۆەرسيادان قورعاۋ، تەڭىز مينالارىن زالالسىزداندىرۋ جانە كەمەلەردى تەكسەرۋ سياقتى وقۋ-جاۋىنگەرلىك تاپسىرمالارىن پىسىقتادى. بۇل تۋرالى قورعانىس مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
كاسپيي تەڭىزىنىڭ اكۆاتورييىندا وتكەن مانيەۆرلەردىڭ سوڭعى كەزەڭىندە اسكەري-تەڭىز كۇشتەرى قولباسشىلىعىنىڭ كورابلدەرى جاۋىنگەرلىك وقۋ-جاتتىعۋلار وتكىزدى. اسكەري قىزمەتشىلەر جاۋىنگەرلىك قولدانۋ اۋدانىندا اك-306 اۆتوماتتى كورابلدىك ارتيللەريالىق قوندىرعىلارىنان جانە «ۋتەس» نسۆ ءىرى كاليبرلى پۋلەمەتتەرىنەن سۋ ۇستىندەگى جانە اۋەدەگى نىسانالارعا، يميتاسيالانعان قارسىلاستىڭ ديۆەرسيالىق توپتارىنىڭ ءجۇزۋ قۇرالدارىنا جانە ۇشقىشسىز ۇشۋ اپپاراتتارىنا ءىس جۇزىندە وق اتۋدى ورىندادى.
اسكەري تەڭىزشىلەر شەكارا قىزمەتىنىڭ بولىمشەلەرىمەن ءوزارا ءىس-قيمىل جاساي وتىرىپ، زاڭسىز قارۋلانعان قۇرالىمنىڭ كەمەلەرىن باسىپ الىپ، ولاردى تەكسەردى. «الاتاۋ» مينا-ترالدى كورابلىنىڭ ەكيپاجى ديۆەرسانتتارمەن ورناتىلعان زاكىرلىك جانە تۇپتىك مينالاردى زالالسىزداندىرۋعا ارنالعان ءىس-قيمىلدارىن ورىندادى.
بۇنىمەن قوسا اپاتقا ۇشىراعان كەمەگە كومەك كورسەتۋ كەزىندە ەكيپاجداردى قۇتقارۋ ءىس-قيمىلدارىنا ەرەكشە نازار اۋدارىلدى.
«مانيەۆرلەر بارىسىندا ەكيپاجداردىڭ دايىندىق دەڭگەيى جەتىلدىرىلىپ، وقۋ-جاۋىنگەرلىك تاپسىرمالاردى ورىنداۋ كەزىندە ولاردىڭ ءوزارا ءىس-قيمىل جاساۋ ءتارتىبى پىسىقتالادى. وقۋ-جاتتىعۋ قازاقستاننىڭ اسكەري-تەڭىز كۇشتەرىنە بەرىلگەن تاپسىرمالاردى ورىنداۋعا جانە تەڭىزدە مەملەكەتتىك مۇددەلەردى قورعاۋعا دايىن ەكەندىگىن كورسەتتى»، - دەپ اتاپ ءوتتى اسكەري-تەڭىز كۇشتەرىنىڭ باس قولباسشىسى كونتر-ادميرال ساكەن بەكجانوۆ.
«باتىل تويتارىس – 2022» ۆەدومستۆوارالىق ستراتەگيالىق كوماندالىق – شتابتىق وقۋ-جاتتىعۋى ەل پرەزيدەنتى – قارۋلى كۇشتەردىڭ جوعارعى باس قولباسشىسى قاسىم-جومارت توقايەۆتىڭ كۇشتىك قۇرىلىمداردى ءتيىمدى ۇيلەستىرۋدى قامتاماسىز ەتۋ، ولاردىڭ جەدەل جانە اسكەري-تەحنيكالىق ۇيلەسىمدىلىگىن جولعا قويۋ، سونداي-اق ۆەدومستۆوارالىق ۇيلەستىرۋدى كۇشەيتۋ جونىندەگى تاپسىرمالارىن ىسكە اسىرۋ اياسىندا وتكىزىلىپ وتىرعانىن اتاپ وتكەن ءجون.