مينيسترلەر كابينەتى بيزنەس وكىلدەرىمەن كەزدەستى.
وندا قوسىمشا قۇن سالىعىنىڭ سارالانعان مولشەرلەمەلەرىن بەلگىلەۋ جونىندەگى ۇسىنىستار تالقىلاندى، دەپ حابارلايدى aqshamnews.kz
«ءبىز مىناداي تەتىكتى قاراستىرۋدى ۇسىنامىز. جالپى بەلگىلەنگەن قوسىمشا قۇن سالىعىنىڭ مولشەرلەمەسى 16%، اۋىل شارۋاشىلىعى ونىمدەرىن وندىرۋشىلەردى تولىق بوساتۋ، ال ءبىرقاتار سالالار ءۇشىن – 10% مولشەرىندەگى ارالىق مولشەرلەمە. وسىلايشا، ۇكىمەت ۇسىنىپ وتىرعان مولشەرلەمەلەردى سارالاۋ: 16%، 10%، 0% جانە بوساتۋ»، - دەپ ءتۇسىندىردى ۇلتتىق ەكونوميكا ۆيسە-مينيسترى ازامات ءامرين.
قازىرگى ۋاقىتتا اگرارلىق سەكتوردا شارۋا قوجالىقتارى قوسىمشا قۇن سالىعىن تولەمەيتىنى، ال زاڭدى تۇلعالار قولدا بار جەڭىلدىكتەرگە بايلانىستى بيۋدجەتكە تولەۋگە ءتيىستى سالىقتاردىڭ تەك 30%-ىن تولەيتىنى اتاپ ءوتىلدى. جاڭا تەتىكتەر بويىنشا ولاردىڭ ەشقايسىسى تولەم ەنگىزبەيدى. بۇل قازاقستاندىق اۋىل شارۋاشىلىعى ونىمدەرىن (كارتوپ، قىزاناق، پياز جانە باسقالارى) باسەكەگە قابىلەتتى ەتۋگە مۇمكىندىك بەرەدى.
ال 10% قولدانىلاتىن سالالاردىڭ تۇرلەرى بيزنەسپەن ءالى دە تالقىلانۋدا.