"الماتى جىلۋ جۇيەسى" ج ش س جاڭا تاريفتەردى ءتۇسىندىردى

2025 جىلدىڭ 1 قاڭتارىنان باستاپ جىلۋ اقىسى ەكى كەزەڭگە ءبولىندى.

الماتى تۇرعىندارى جىلۋ تاريفتەرىنىڭ كۇرت قىمباتتاعانىنا شاعىمدانعاننان كەيىن، "الماتى جىلۋ جۇيەسى" ج ش س جاڭا تاريفتەردى قالاي ەسەپتەيتىنىن ءتۇسىندىردى، دەپ حابارلايدى aqshamnews.kz

كومپانيانىڭ مالىمەتىنشە، 2025 جىلدىڭ 1 قاڭتارىنان باستاپ جىلۋ اقىسى ەكى كەزەڭگە ءبولىندى:

31 جەلتوقسانعا دەيىن – ەسكى تاريف بويىنشا
1 قاڭتاردان باستاپ – وزگەرتىلگەن تاريفپەن ەسەپتەلەدى.
بۇل ەكى كەزەڭنىڭ تولەمى “السەكو” تۇبىرتەگىندە بولەك كورسەتىلەدى.

الماتىلىقتار جالپىۇيلىك ەسەپتەۋ قۇرالدارىنا سايكەس، پاتەر اۋماعىنا قاراي توپتارعا ءبولىنىپ تولەم جاسايدى:

1-توپ – جىلىتۋ اۋدانى 100 م² دەيىن.
2-توپ – 100-دەن 200 م² دەيىن.
3-توپ – 200 م² جوعارى.
ەگەر ۇيدە جالپىۇيلىك ەسەپتەۋ قۇرالى بولسا، جىلۋ مەن ىستىق سۋعا تۇراقتى تولەم بولمايدى. تاريف سىرتقى اۋا تەمپەراتۋراسى مەن ناقتى تۇتىنۋ مولشەرىنە بايلانىستى.

"ەگەر وتكەن جىلدىڭ تۇبىرتەكتەرىن قاراپ شىقساڭىز، جىلۋ ماۋسىمىندا تولەمنىڭ اي سايىن وزگەرىپ وتىراتىنىن بايقايسىز"، – دەپ مالىمدەدى "الماتى جىلۋ جۇيەسى" ج ش س وكىلدەرى.

ەسكە سالايىق، 24 قاڭتاردا قازاقستاندا كوممۋنالدىق قىزمەتتەر تاعى قىمباتتايتىنى بەلگىلى بولدى. ۇلتتىق ەكونوميكا ۆيسە-مينيسترى ارمان قاسەنوۆ ۇكىمەتتە وتكەن بريفينگتە قازاقستاندا ەلەكتر ەنەرگياسىنا تاريفتەرى "اقىلعا قونىمدى شەكتە" قىمباتتايتىنىن ءمالىم ەتتى.