قوستانايدا مامانداندىرىلعان قىلمىستىق ىستەر جونىندەگى سوت اسا قاتىگەزدىكپەن ادام ءولتىرۋ ءىسى بويىنشا ۇكىم شىعاردى، دەپ حابارلايدى Aqshamnews.kz.
ءىس ماتەريالدارىنا سايكەس، 2025 جىلدىڭ شىلدەسىندە وبلىس تۇرعىنى ءوز ۇيىندە جانجال كەزىندە جۇبايى مەن ەنەسىنە بىرنەشە پىشاق جاراقاتىن سالىپ، ولاردىڭ ءومىرىن قيعان. قىلمىستان كەيىن ەر ادام وقيعا ورنىنان قاشىپ كەتكەن.
مەملەكەتتىك ايىپتاۋشى سوتتان 20 جىل جازا تاعايىنداۋدى سۇراعان. جابىرلەنۋشى تاراپ تا قاتاڭ جازا بەرۋدى تالاپ ەتتى. سوتتالۋشى ءوز كىناسىن بىرتىندەپ مويىنداعان. تەرگەۋ بارىسىندا ونىڭ ارەكەتىن جەڭىلدەتەتىن دە، اۋىرلاتاتىن دا جاعدايلار انىقتالمادى.
سوتتىڭ شەشىمىمەن ايىپتالۋشى 19 جىلعا باس بوستاندىعىنان ايىرىلدى. جازا ورتا قاۋىپسىزدىك مەكەمەسىندە وتەلەدى. جابىرلەنۋشى تاراپتىڭ مورالدىق شىعىن ءوندىرۋ تۋرالى ازاماتتىق تالابى تولىقتاي قاناعاتتاندىرىلدى.
ۇكىم ءالى زاڭدى كۇشىنە ەنگەن جوق.