«ۆوستوك-1» ستف سولتۇستىك قازاقستان وبلىسىنىڭ تابىستى تاجىريبەسىن تيراجداۋ جونىندەگى باعدارلامانىڭ ناتيجەسى بولىپ تابىلادى.
جوبانىڭ قۇنى 6،2 ملرد تەڭگەنى قۇرادى. فەرمانىڭ وندىرىستىك قۋاتى-جىلىنا 9 700 توننا ءسۇتتى وندىرۋگە باعىتالعان، دەپ حابارلايدى aqshamnews.kz.
فەرمادا شۆەدتىك DelavalExportab كومپانياسى شىعارعان «كارۋسەل» ءتيپتى اينالمالى ساۋۋ زالى بار زاماناۋي جابدىقتار ورناتىلعان. «AGRAL FARM» ج ش س جەتكىزگەن قورا جابدىقتارىن مونتاجداۋ جۇمىستارى اياقتالدى. قازىرگى ۋاقىتتا بۇزاۋ قوراسى مەن تولدەۋ زالىندا جابدىقتاردى ورناتۋ جالعاسۋدا.
2024 جىلى دانيادان گولشتەين-فريز تۇقىمىنىڭ 400 قۇناجىە اكەلىندى، اعىمداعى جىلى تاعى 800 باس قۇناجىن اكەلۋ جوسپارلانۋدا.
«ميلح» ج ش س كاسىپورنىندا وڭدەلەتىن بولادى. قازىرگى ۋاقىتتا 373،7 توننا ءسۇت ىسكە اسىرىلدى.
2025 جىلدىڭ ناۋرىز ايىندا ەكىنشى قورا مەن بۇزاۋدىڭ قۇرىلىسى باستالادى.
وڭىردە ءسۇت مال شارۋاشىلىعىن دامىتۋداعى ماڭىزدى قادام كامەنسكورال اۋىلىندا 1،2 مىڭ باسقا ارنالعان ەكىنشى ءسۇت-تاۋار فەرماسىن سالۋ بولىپ تابىلادى. قۇنى 4،3 ملرد تەڭگە بولاتىن جوبانى 2025 جىلدىڭ جەلتوقسانىندا اياقتاۋ جوسپارلانۋدا.
جالپى، 2028 جىلعا دەيىن قوستاناي وبلىسىندا 30 ءسۇت-تاۋار فەرماسىن قۇرۋ جوسپارلانۋدا، بۇل ءسۇت ءوندىرۋ كولەمىن جىلىنا 150 مىڭ تونناعا ۇلعايتۋعا جانە ءسۇت ونىمدەرىنىڭ يمپورتىنا تاۋەلدىلىكتى تومەندەتۋگە مۇمكىندىك بەرەدى.