22 قازاندا ەلىمىزدىڭ بىرنەشە وڭىرىندە قولايسىز اۋا رايىنا بايلانىستى ەسكەرتۋ جاريالاندى، - دەپ حابارلايدى Aqshamnews.kz.
قازگيدرومەت سينوپتيكتەرىنىڭ بولجامى بويىنشا، ماڭعىستاۋ، اتىراۋ، جامبىل، قىزىلوردا، اقتوبە جانە باسقا دا وڭىرلەردە جوعارى جانە توتەنشە ءورت ءقاۋپى ساقتالادى. سونىمەن قاتار بىرنەشە وبلىستا تۇمان ءتۇسىپ، كەي جەرلەردە ەكپىندى جەل سوعۋى مۇمكىن.
ماڭعىستاۋ وبلىسىندا جوعارى ءورت ءقاۋپى ساقتالادى. اقتاۋدا جوعارى ءورت ءقاۋپى بار.
اتىراۋ وبلىسىندا سولتۇستىگىندە، شىعىسىندا، ورتالىعىندا تۇمان تۇسەدى. وبلىستىڭ سولتۇستىگىندە، وڭتۇستىگىندە، شىعىسىندا توتەنشە ءورت ءقاۋپى، وبلىستىڭ سولتۇستىك-شىعىسىندا، وڭتۇستىك-شىعىسىندا جوعارى ءورت ءقاۋپى ساقتالادى. اتىراۋدا تۇندە جانە تاڭەرتەڭ تۇمان تۇسەدى. توتەنشە ءورت ءقاۋپى ساقتالادى.
جامبىل وبلىسىنىڭ تاۋلى اۋداندارىندا تۇمان تۇسەدى. سولتۇستىك-شىعىستان جەل سوعادى، وبلىستىڭ سولتۇستىك-شىعىسىندا، تاۋلى اۋداندارىندا 15-20 م/س. وبلىستىڭ باتىسىندا، سولتۇستىگىندە توتەنشە ءورت ءقاۋپى، وبلىستىڭ ورتالىعىندا جوعارى ءورت ءقاۋپى ساقتالادى.
باتىس قازاقستان وبلىسىنىڭ سولتۇستىك-شىعىسىندا كەي ۋاقىتتاردا نوسەر جاڭبىر جاۋادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە تۇمان تۇسەدى. جەل وڭتۇستىك-شىعىستان سوعادى، تۇندە وبلىستىڭ شىعىسىندا، وڭتۇستىگىندە ەكپىنى 15-20 م/س. وبلىستىڭ وڭتۇستىگىندە توتەنشە ءورت ءقاۋپى ساقتالادى. ورالدا تۇندە جانە تاڭەرتەڭ تۇمان تۇسەدى.
اباي وبلىسىنىڭ سولتۇستىگىندە تۇمان تۇسەدى. وبلىستىڭ وڭتۇستىگىندە جوعارى ءورت ءقاۋپى ساقتالادى.
قاراعاندى وبلىسىندا شىعىستان جەل سوعادى، وبلىستىڭ شىعىسىندا، وڭتۇستىگىندە ەكپىنى 15-20 م/س.
ۇلىتاۋ وبلىسىندا جوعارى ءورت ءقاۋپى، وبلىستىڭ وڭتۇستىگىندە توتەنشە ءورت ءقاۋپى ساقتالادى. جەزقازعاندا جوعارى ءورت ءقاۋپى بار.
اقتوبە وبلىسىندا وڭتۇستىگىندە، شىعىسىندا جوعارى ءورت ءقاۋپى ساقتالادى، وبلىستىڭ باتىسىندا، سولتۇستىك-شىعىسىندا، ورتالىعىندا توتەنشە ءورت ءقاۋپى ساقتالادى.
قىزىلوردا وبلىسىندا توتەنشە ءورت ءقاۋپى، وبلىستىڭ سولتۇستىگىندە، ورتالىعىندا جوعارى ءورت ءقاۋپى ساقتالادى. قىزىلوردادا جوعارى ءورت ءقاۋپى ساقتالادى.
قوستاناي وبلىسىنىڭ سولتۇستىگىندە، شىعىسىندا تۇمان تۇسەدى. شىعىستان جەل سوعادى، كۇندىز وبلىستىڭ وڭتۇستىگىندە ەكپىنى 15 م/س. وبلىستىڭ وڭتۇستىگىندە توتەنشە ءورت ءقاۋپى ساقتالادى، وبلىستىڭ وڭتۇستىك-باتىسىندا جوعارى ءورت ءقاۋپى بار.
جەتىسۋ وبلىسىندا وڭتۇستىك-شىعىستان جەل سوعادى، الاكول كولدەرى اۋدانىندا ەكپىنى 15-20، كەي ۋاقىتتاردا 25 م/س. تۇندە وبلىستىڭ سولتۇستىگىندە، ورتالىعىندا جانە تالدىقورعاندا تۇندە 1-3 گرادۋس ۇسىك جۇرەدى.
پاۆلودار وبلىسىنىڭ باتىسىندا، سولتۇستىگىندە، شىعىسىندا تۇمان تۇسەدى. پاۆلوداردا تۇندە جانە تاڭەرتەڭ تۇمان بولادى.
سولتۇستىك قازاقستان وبلىسىنىڭ سولتۇستىگندە، شىعىسىندا، وڭتۇستىگىندە تۇمان تۇسەدى. پەتروپاۆلدا تۇندە جانە تاڭەرتەڭ تۇمان بولادى.
اقمولا وبلىسىنىڭ سولتۇستىگىندە، شىعىسىندا تۇمان تۇسەدى. وبلىستىڭ وڭتۇستىك-باتىسىندا جوعارى ءورت ءقاۋپى ساقتالادى.