قازاقستاندا ەڭ تومەنگى جالاقى مولشەرى ءوسۋى مۇمكىن. بۇل تۋرالى بۇگىن ماجىلىستە ۇسىنىلدى، - دەپ حابارلايدى aqshamnews.kz ءتىلشىسى.
2025 جىلى ەلىمىزدە ەڭ تومەنگى جالاقى مولشەرى - 85 000 تەڭگە.
بۇگىن ماجىلىستە 2026–2028 جىلدارعا ارنالعان رەسپۋبليكالىق بيۋدجەت تۋرالى زاڭ جوباسى قارالىپ جاتىر. قۇجاتقا بەرىلگەن قورىتىندىدا دەپۋتاتتار ەڭ تومەنگى جالاقىنى ءوسىرۋدى ۇسىنعانى ايتىلعان.
"حالىقارالىق ەڭبەك ۇيىمىنىڭ ۇسىنىستارى نەگىزىندە ازىرلەنگەن ەڭ تومەنگى جالاقىنى انىقتاۋدىڭ جاڭا ادىستەمەسىنىڭ قابىلدانۋىنا بايلانىستى، ءماجىلىستىڭ الەۋمەتتىك‑مادەني دامۋ كوميتەتى ەڭ تومەنگى جالاقى مولشەرىن 85 000 تەڭگەدەن 110 000 تەڭگەگە ءوسىرۋدى قاجەت دەپ ەسەپتەيدى"، - دەلىنگەن قۇجاتتا.
ەڭ تومەنگى جالاقى - بۇل زاڭمەن بەلگىلەنگەن ەڭ از جالاقى مولشەرى، تولىق ەڭبەك ايى ءۇشىن جۇمىس بەرۋشى وسىدان تومەن تولەم تولەمەۋگە ءتيىس. بۇل كورسەتكىش جۇمىسشىلاردى مەملەكەتتىك كەپىلدىك ارقىلى قورعاۋعا جانە ەڭبەك اقىنى رەتتەۋ، سونداي‑اق، ءتۇرلى الەۋمەتتىك تولەمدەردى ەسەپتەۋ ءۇشىن قولدانىلادى.