جەلىدە قوعامدىق ورىندا اياعىن جۋىپ، دارەت العان ەر ادامنىڭ ۆيدەوسى تارادى. قمدب ەر ادامنىڭ ارەكەتىنە پىكىر ءبىلدىردى، - دەپ حابارلايدى اqshamnews.kz ءتىلشىسى.
ۆيدەودا ەر ادام دارەت الىپ، قول جۋعىشقا اياعىن جۋعانى بەينەلەنگەن. جەلى قولدانۋشىلارىنىڭ ءبىرى ونىڭ بۇل ارەكەتىنە نارازىلىق تۋدىرسا، ەندى ءبىرى قوعامدىق ورىنداردى دارەت الاتىن ارنايى ورىننىنڭ بولماۋىن جازعان.
قازاقستان مۇسىلماندارى ءدىني باسقارماسى ارنايى دارەت الۋ ورىندارىن قاراستىرۋ كەرەگىن العا تارتتى، بۇل قوعامداعى تۇسىنىسپەۋشىلىكتى ازايتادى.
"قازاقستان مۇسىلماندارى ءدىني باسقارماسى سەنۋشىلەردى قورشاعان ورتامىزدى قۇرمەتتەۋگە، ءدىني راسىمدەردى ورىنداۋ كەزىندە ەرەكشە ۇقىپتىلىق تانىتۋعا جانە تازالىقتى ساقتاۋعا شاقىرادى. دارەت الۋ ارنايى بولىنگەن جەرلەردە، ونىڭ ىشىندە نامازحانالاردىڭ جانىندا عانا ورىندالۋى ءتيىس. مۇنداي ءتاسىل اينالاداعى ادامدارعا دەگەن قۇرمەتتى كورسەتەدى جانە مۇسىلمانداردىڭ جوعارى مادەنيەتتىلىگىن ساقتاۋعا كومەكتەسەدى. سونىمەن قاتار، بىزگە كوپتەگەن نامازحانا بار جەرلەردە دارەت الۋعا ارنالعان ارنايى ورىنداردىڭ جوعى بەلگىلى. وسىعان وراي، حالىقتىڭ باسىم بولىگىن قۇرايتىن مۇسىلمان قاۋىمىنىڭ وتىنىشتەرىن ەسكەرە وتىرىپ، قازاقستان مۇسىلماندارى ءدىني باسقارماسى ساۋدا ويىن-ساۋىق ورتالىقتارىنىڭ باسشىلارىنا نامازحانالارى بار عيماراتتاردا ارنايى دارەت الۋ قۇرىلعىلارىن ورناتۋدى قاراستىرۋعا ۇندەيدى"، - دەلىنگەن جاۋاپتا.