"سامۇرىق-قازىنا" قورى مەملەكەت باسشىسى قاسىم-جومارت توقايەۆقا جاڭا جاساندى ينتەللەكت جۇيەسىن – SKAI (Samruk-Kazyna Artificial Intelligence) تانىستىردى، - دەپ حابارلايدى aqshamnews.kz ءتىلشىسى.
بۇل تۋرالى "سامۇرىق-قازىنا" قورىنىڭ باسپا ءسوز قىزمەتىنىڭ باسشىسى كيريلل ۆولكوۆ مالىمدەدى.
SKAI قوردىڭ ديرەكتورلار كەڭەسىنە داۋىس بەرۋ قۇقىعىنا يە سيفرلىق تاۋەلسىز مۇشە رەتىندە قوسىلدى. بۇل – وڭىردەگى ەڭ العاشقى تاجىريبە.
جاڭا جۇيەنىڭ تانىستىرىلىمى استانادا وتكەن حالىقارالىق Digital Bridge فورۋمىندا ءوتتى. SKAI-دىڭ نەگىزگى ماقساتى – كورپوراتيۆ باسقارۋدىڭ اشىق بولۋىن قاماتاماسىز ەتۋ مەن ساپاسىن ارتتىرۋ.
نەيروجۇيە 2008 جىلدان بەرگى ديرەكتورلار كەڭەسىنىڭ شەشىمدەرىن، ىشكى جانە سىرتقى قۇجاتتاردى، قور جيناقتاعان بارلىق ماتەريالدى تالداي الادى.
"قاۋىپسىزدىككە ەرەكشە ءمان بەرىلگەن: SKAI دەرەكتەردى ەل اۋماعىنان شىعارماي، "قازاقتەلەكومنىڭ" Al Farabium اتتى ەكىنشى قازاقستاندىق سۋپەركومپيۋتەرىندە جۇمىس ىستەيدى. بۇل – تالداۋدىڭ جىلدامدىعى مەن سەنىمدىلىگىن قامتاماسىز ەتەدى. جۇيەنىڭ نەگىزىنە قازاقستاندىق Alem LLM تىلدىك مودەلى الىنعان"، - دەدى ۆولكوۆ.