الماتى قالاسىنداعى ۇلكەن تويحانانىڭ ءبىرى مامانداندىرىلعان حالىققا قىزمەت كورسەتۋ ورتالىعىنا اينالدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ونىڭ ۆيدەوسى الەۋمەتتىك جەلىدە پايدا بولدى.
«قۇلجا تاس جولىنداعى مەيرامحانالاردىڭ ءبىرى حالىققا قىزمەت كورسەتۋ ورتالىعىنا اينالدى. تويحانا ەندى وزەكتى ەمەس سياقتى»، - دەيدى ۆيدەو اۆتورى.
«ازاماتتارعا ارنالعان ۇكىمەت» بۇعان دەيىن مامانداندىرىلعان №5 حقو جەتىسۋ بازارىنىڭ عيماراتىندا جۇمىس ىستەگەنىن جەتكىزدى.
عيمارات ەسكى جانە تالاپقا ساي بولماعاندىقتان، تۇتىنۋشىلاردان شاعىم كوپ تۇسكەن.
سوندىقتان قۇلجا تاس جولىنىڭ بويىندا ورنالاسقان ىڭعايلى عيماراتقا كوشىرۋ تۋرالى شەشىم قابىلداندى.
«جاڭا عيماراتتىڭ 200 كولىككە ارنالعان تۇراعى بار. بارلىق سانيتارلىق تالاپتار مەن نورمالارعا ساي. مۇمكىندىگى شەكتەۋلى ادامدارعا ارنالعان پاندۋس بار. ايتا كەتۋ كەرەك، عيمارات تەگىن جالعا بەرىلەدى، فيليال تەك كوممۋنالدىق شىعىنداردى وتەيدى»، - دەپ حابارلادى مەملەكەتتىك كورپوراسيانىڭ باسپا ءسوز قىزمەتى.