"قازاۆتوجول" جۇرگىزۋشىلەرگە اۋا رايىنىڭ ناشارلاۋىنا بايلانىستى ەسكەرتۋ جاسادى، - دەپ حابارلايدى aqshamnews.kz ءتىلشىسى.
"اباي وبلىسىندا 4 قاراشادا تۇندە وبلىستىڭ باتىسىندا، سولتۇستىگىندە، وڭتۇستىگىندە جاۋىن-شاشىن، كوكتايعاق، كۇندىز جاۋىن-شاشىن، كوكتايعاق كۇتىلىپ وتىر. 5 قاراشادا قار جاۋىپ، بۇرقاسىن، كوكتايعاق بولادى، وبلىستىڭ باتىسىندا، سولتۇستىگىندە، شىعىسىندا قالىڭ قار جاۋادى"، - دەپ حابارلادى ۇلتتىق كومپانيا.
ۆەدومستۆونىڭ مالىمەتىنشە، وبلىستىڭ سولتۇستىگىندە، شىعىسىندا تۇمان تۇسەدى. وڭتۇستىك-شىعىستان سوعاتىن جەل وڭتۇستىك-باتىسقا، باتىسقا اۋىسادى، ەكپىنى 15-20، وبلىستىڭ وڭتۇستىگىندە، شىعىسىندا كەي ۋاقىتتاردا 23-28 م/س. اۋا تەمپەراتۋراسىنىڭ 5 قاراشادا تۇندە جانە كۇندىز 5-10 ايازعا دەيىن تومەندەۋى كۇتىلەدى.
"قازاۆتوجول" تۇرعىنداردان جولدا ءجۇرۋ ەرەجەلەرىن قاتاڭ ساقتاپ، اۋا رايىنىڭ قولايسىزدىعىن ەسكەرىپ، ۇزاق جولعا شىقپاۋدى سۇرادى.