الماتى قالاسى اكىمىنىڭ ورىنباسارى نۇرلان ءابدىراحىم مەن قوعامدىق دەنساۋلىق ساقتاۋ باسقارماسىنىڭ باسشىسى مارات پاشيموۆ قالانىڭ دەنساۋلىق ساقتاۋ نىساندارىنا قاتىستى كەڭەس وتكىزدى.
كەڭەستە №3، 5، 7، 12، 18، 20، 21 جانە 27 قالالىق ەمحانالاردا، ادام رەپرودۋكسياسى ورتالىعىندا، №2، 3 جانە 8 جەدەل جاردەم قوسالقى ستانسيالارىندا، سونداي-اق «بالالار ءۇيى» قالالىق مامانداندىرىلعان مەكەمەسىندە جانە «الاۋ» وڭالتۋ ورتالىعىندا جۇرگىزىلىپ جاتقان كۇردەلى جوندەۋ جۇمىستارىنىڭ اياقتالۋ مەرزىمى تالقىلاندى. بارلىق نىسان مۇمكىندىگى شەكتەۋلى ازاماتتاردىڭ ىڭعايىنا بەيىمدەلەدى. جۇمىس كەستەسىنەن كەشىگىپ جاتقان مەردىگەر ۇيىمدارعا ەسكەرتۋ جاسالدى.
سونداي-اق، مەدەۋ اۋدانىندا جەدەل جاردەم قوسالقى ستانسياسىن، تۇركسىب اۋدانىندا وتباسىلىق امبۋلاتوريانى سالۋ جوبالارى، سونداي-اق، №16 ەمحانا مەن پاتولوگواناتوميالىق بيۋرونى سەيسميكالىق كۇشەيتۋ، قالپىنا كەلتىرۋ جانە مەن كۇردەلى جوندەۋ جۇمىستارىنىڭ جوبالارى قارالدى.
اكىمنىڭ ورىنباسارى تۋىنداعان ماسەلەلەردى جەدەل شەشۋ قاجەتتىگىن جانە بۇل جۇمىستى قوعامدىق دەنساۋلىق ساقتاۋ باسقارماسىمەن، قۇرىلىس باسقارماسىمەن، قالا قۇرىلىسىن باقىلاۋ باسقارماسىمەن جانە مەردىگەر ۇيىمدارمەن تىعىز ءوزارا قارىم-قاتىناستا اتقارۋ ماڭىزدى ەكەنىن اتاپ ءوتتى.
بارلىق جۇمىس الماتى قالاسى اكىمدىگى مەن قوعامدىق دەنساۋلىق ساقتاۋ باسقارماسىنىڭ ءجىتى باقىلاۋىنا الىنعان.