ۋكرايناداعى ارتيللەريالىق شابۋىلدار مەن اۋە سوققىلارىنىڭ جيىلەۋىنە بايلانىستى، قاۋىپسىزدىكتى قامتاماسىز ەتۋ ماقساتىندا قازاقستاننىڭ ۋكرايناداعى ەلشىلىگى قازاقستاندىقتارعا بەلسەندى ۇرىس ارەكەتتەرى ءجۇرىپ جاتقان ايماقتارعا جاقىن ورنالاسقان جەرلەردەن كەتۋدى نەمەسە ۋكراينادان شىعۋدى قاراستىرۋدى ۇسىندى، دەپ حابارلايدى aqshamnews.kz
ەلشىلىك بارلىق ازاماتتاردى اۋە دابىلىن ەلەمەي، جەدەل تۇردە ءقاۋىپتى ايماقتاردان كەتۋدى، جەكە قاۋىپسىزدىك شارالارىن ساقتاۋدى جانە رەسمي بيلىكتىڭ نۇسقاۋلارىن ورىنداۋدى سۇرايدى.
قازاقستان ازاماتتارى ۋكراينادان قازاقستانعا شىعۋ ءۇشىن مىنا مارشرۋتتاردى پايدالانا الادى: پولشا نەمەسە مولدوۆا ارقىلى، كەيىن كوممەرسيالىق اۋە رەيستەرىمەن.
پولشا ارقىلى شىعۋ ءۇشىن قازاقستاندىقتار شەنگەن ۆيزاسىن الۋ قاجەت. مولدوۆاعا كىرۋ ءۇشىن ۆيزا تالاپ ەتىلمەيدى.