وزبەكستاننىڭ مينيسترلەر كابينەتى قايتا سايلانعان وليي ماجيليس الدىندا وكىلەتتىگىن توقتاتتى، دەپ حابارلايدى aqshamnews.kz.
ەل پرەمەر-مينيسترى ابدۋللا اريپوۆ ءتيىستى قاۋلىعا قول قويدى. دەگەنمەن ۇكىمەت جۇمىسىندا ءۇزىلىس بولماس ءۇشىن مينيسترلەر كابينەتى جاڭاسى جاساقتالعانعا دەيىن قىزمەتتەرىن اتقارادى. ەستەرىڭىزدە بولسا، 27 قازاندا وتكەن پارلامەنت سايلاۋىنىڭ ناتيجەسىندە پارلامەنتتىڭ جاڭا پالاتالارى جاساقتالعان.
جاڭا پارلامەنت جاساقتالعاننان كەيىن ءبىر اي ىشىندە پرەزيدەنت بارلىق ساياسي پارتيا فراكسيالارىمەن كەڭەسكەننەن كەيىن پرەمەر-مينيستر كانديداتۋراسىن زاڭ شىعارۋشى پالاتالارعا ۇسىنادى.
كانديدات مينيسترلەر كابينەتىنىڭ قىسقا ءارى ۇزاقمەرزىمدى جوسپارىن تانىستىرادى. كانديداتتىڭ پرەمەر-مينيستر بولىپ تاعايىندالۋىنا دەپۋتاتتاردىڭ جارتىسىنان استامىنىڭ داۋىسى كەرەك.