قازىرگى ۋاقىتتا قازاقستاننىڭ سۋ شارۋاشىلىعى وبەكتىلەرىندەگى جاعداي تۇراقتى. بارلىق سۋ قويماسى شتاتتىق رەجيمدە جۇمىس ىستەپ جاتىر. جايىق-كاسپيي جانە توبىل-تورعاي سۋ شارۋاشىلىعى باسسەيندەرىندە (قوستاناي، اقتوبە جانە باتىس قازاقستان وبلىستارى) كوكتەمگى تاسقىن كەزەڭى اياقتالدى.
9 ساۋىردەن باستاپ ەرتىس وزەنىنىڭ ەكوجۇيەسىن ساقتاۋ ماقساتىندا شىعىس قازاقستان وبلىسىنداعى بۇقتىرما سۋ قويماسىنان ەكولوگيالىق ماقساتتاعى سۋ جىبەرۋ جۇمىستارى باستالدى. قازاقستاننىڭ وڭتۇستىگىندەگى سۋ قويمالارىنا سۋ جيناۋ جالعاستىرىلىپ، سۋارۋ كەزەڭىنە دايىندىق جۇرگىزىلىپ جاتىر.
«ەلدى مەكەندەردى سۋ باسۋدىڭ جەكەلەگەن جاعدايلارى نەگىزىنەن گيدروتەحنيكالىق قۇرىلىستاردىڭ جۇمىسىنا ەمەس، بەدەردىڭ جەرگىلىكتى ەرەكشەلىكتەرىنە جانە ەگىستىكتەردەن سۋدىڭ كەلۋىنە بايلانىستى بولدى. جالپى، مينيسترلىك قابىلداعان شارالار تاۋەكەلدەردى ازايتۋعا جانە سۋ شارۋاشىلىعى وبەكتىلەرى ارقىلى تاسقىن سۋدىڭ ءقاۋىپسىز ءوتۋىن قامتاماسىز ەتۋگە مۇمكىندىك بەردى. بيىلعى سۋ تاسقىنىنىڭ ەرەكشەلىگى – توپىراقتىڭ قاتۋ تەرەڭدىگىنىڭ تومەن بولۋى. سونىڭ ارقاسىندا ەرىگەن قار سۋى جەرگە جاقسى ءسىڭىپ، جەرۇستى اعىنىنىڭ كولەمىن ازايتىپ، سۋ تاسقىنى ءقاۋپىن تومەندەتتى. ال بىلتىر كەرىسىنشە، توپىراق تەرەڭ قاتقاندىقتان، ەرىگەن سۋ جەرگە سىڭبەي، ۇستىڭگى اعىن كولەمى كوپ بولعان»، – دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ ۇكىمەت وتىرىسىندا.