وعان ەلىمىزدەگى اۋا رايىنىڭ قولايسىزدىعى مەن سۋ تاپشىلىعى تىكەلەي اسەر ەتۋى مۇمكىن، دەپ حابارلايدى aqshamnews.kz
مامانداردىڭ مالىمەتىنشە، بيىل تيان-شان، پامير جانە التاي تاۋلارىندا قار مولشەرى ادەتتەگىدەن الدەقايدا از. جۋرناليست كيريلل پاۆلوۆتىڭ سوزىنشە، بۇل وزەندەردەگى سۋ دەڭگەيىنىڭ تومەن بولاتىنىن، اسىرەسە ەلدىڭ وڭتۇستىگى مەن وڭتۇستىك-شىعىسىندا ەگىنشىلىك پەن سۋارۋعا قاتتى تاۋەلدى ايماقتار ءۇشىن كۇردەلى جاعداي تۋىندايتىنىن بىلدىرەدى.
2025 جىلى قازاقستاندا اگروكليماتتىق جاعداي كۇردەلى بولادى دەپ كۇتىلۋدە:
وڭتۇستىكتە كوكتەمدە – سۋ تاسقىنى، جازدا – سىرداريانىڭ تايىزدانۋى جانە ەگىنشىلىككە سۋ جەتىسپەۋشىلىگى.
سولتۇستىكتە ىلعالدى كوكتەمنەن كەيىن شىلدەدە ىستىق پەن قۋاڭشىلىق كۇتىلەدى – بۇل جازدىق بيدايعا كەرى اسەر ەتەدى.
ورتالىق پەن باتىستا – جاڭبىر از، جايىلىمداردىڭ جاعدايى ناشارلايدى، قاراعاندى وبلىسىندا جازدا قۋاڭشىلىق بولۋى مۇمكىن.
شىعىستا كوكتەم كەش تۇسەدى، ۇسىك بولۋ ءقاۋپى بار، ال جازدا – سۋ تاپشىلىعى قايتالانادى.
باتىس قازاقستاندا جاۋىن-شاشىن ماسەلەسى ءداستۇرلى تۇردە قيىن، 2025 جىلى جاقسارۋ بولمايدى، جايىلىمدار كەپتى، مالعا ازىق تاپشىلىعى تۋىندايدى.
كيريلل پاۆلوۆتىڭ پىكىرىنشە، مۇنداي كليماتتىق فاكتورلار دۇكەندەردەگى باعاعا تىكەلەي اسەر ەتەدى، سۋ از – ءونىم از، ياعني نارىقتا ۇسىنىس ازايادى، جەم-شوپ قىمبات – جۇمىرتقا، ەت، ءسۇت تە قىمباتتايدى.
- يمپورت تاپشىلىقتى تولىقتىرۋى مۇمكىن، ءبىراق ونىڭ باعاسى جوعارى، اسىرەسە لوگيستيكا قيىن نە ۆاليۋتا باعامى تۇراقسىز بولسا. سۋارۋ، تاسىمالداۋ مەن ساقتاۋ شىعىندارىنىڭ ارتۋى دا باعانى كوتەرەدى، دەيدى پاۆلوۆ.
باعاسى ءبىرىنشى بولىپ قىمباتتاۋى مۇمكىن ازىق-تۇلىك تۇرلەرى: قاربىز، قاۋىن، قىزاناق، بۇرىش، پياز، كارتوپ، جەمىس-جيدەك، ەت پەن ءسۇت ونىمدەرى.
باعالار اسىرەسە جاز ۇزاق ءارى ىستىق بولسا، تامىز ايىنان باستاپ كۇرت ءوسۋى مۇمكىن.