ق ر ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ الماتى قالاسىنا كەلدى.
الماتى – جاستار قالاسى. وسىنى ەسكەرە وتىرىپ، ورتالىق سايلاۋ كوميسسياسىنىڭ باسشىسى 18 ساۋىردە ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەرىمەن كەزدەستى. كەزدەسۋ كوشباسشىلىق ءدارىس فورماتىندا ءوتتى.
ورتسايلاۋكوم ءتوراعاسى «قازاقستاننىڭ سايلاۋ جۇيەسىن دامىتۋدىڭ وزەكتى ترەندتەرى» اتتى تاقىرىپتا ءدارىس وقىدى. ءدارىس ءبىر جارىم ساعاتقا سوزىلدى. ستۋدەنتتەر ءۇشىن بۇل ۇزاق ۋاقىت بولا تۇرا، قاتىسۋشىلار ءقادىرلى قوناقتىڭ سوزدەرىن ۇيىپ تىڭدادى. كوشباسشىلىق ءدارىس ورتالىق سايلاۋ كوميسسياسى مەن ەلىمىزدىڭ سايلاۋ جۇيەسىنىڭ دامۋىن ۇشتاستىرا ءوتتى. سپيكەر سايلاۋ كوميسسياسى قۇرىلعاننان بۇگىنگە دەيىنگى ارالىقتاعى وزگەرىستەر جايلى باياندادى. سونىمەن قاتار، بىلتىر وسك ءوزىنىڭ 30 جىلدىعىن اتاپ وتكەن ەدى. وسى ورايدا نۇرلان ءابدىروۆ ورتالىق سايلاۋ كوميسسياسى جانىنداعى ساراپشىلىق كەڭەستىڭ مۇشەلەرى حاليدا ءاجىعۇلوۆا، ەدۋارد مۇحامەدجانوۆ جانە لەيلا جانۇزاقوۆاعا العىس حاتتاردى تابىستادى. ءىس-شاراعا ق ر وسك جانىنداعى ساراپشىلىق كەڭەستىڭ مۇشەلەرى مەن ۋنيۆەرسيتەتتىڭ پروفەسسورلىق-وقىتۋشىلىق قۇرامى، ستۋدەنتتەر قاتىستى. كەزدەسۋ سوڭىندا ستۋدەنتتەر اراسىندا سايلاۋ سالاسى ماسەلەلەرى بويىنشا ونلاين-ساۋالناما جۇرگىزىلدى.