قازاقستاندىق كاسىپكەر ۆلاديمير كيم قۇرامىنا التى جارىس كومانداسى كىرەتىن Hitech Global Holdings كومپانياسىنىڭ اكسياسىن ساتىپ الدى، دەپ حابارلايدى Almaty-akshamy.kz Sports.kz پورتالىنا سىلتەمە جاساپ.
قازىرگى ۋاقىتتا F2، F3 جانە F4 جارىستارىنا قاتىسىپ جاتقان سيلۆەرستوۋندىق كوماندا دۇيسەنبى كۇنى وزدەرىنىڭ يەسى Hitech Global Holdings Limited كومپانياسى 25 پروسەنت ۇلەسىن قازاقستاندىق كاسىپكەر ۆلاديمير كيمگە ساتقانىن مالىمدەدى.
كيمنىڭ نەگىزگى كاسىبى تاۋ-كەن ءوندىرىسى، بانك جانە اۆياسيا سالاسىمەن بايلانىستى. ول سونداي-اق قازاقمىس پەن KAZ Minerals Group كومپانيالارىنا باسشىلىق ەتە وتىرىپ، الەمدەگى مىس وندىرۋشىلەردىڭ توپ-وندىعىنا ەنىپ وتىر.
«مەن اۆتوسپورتقا بۇرىننان قىزىعاتىنمىن جانە كوپ سانات بويىنشا جەڭىسكە جەتكەن ءارى بولاشاققا دەگەن جوسپارى مىقتى ۇيىممەن سەرىكتەس بولعانىما قۋانىشتىمىن. سپورتپەن بۇرىننان قالىپتاسقان بايلانىسىمىز بار. ءبىراق بۇل ءبىزدىڭ اۆتوسپورتقا قۇيعان العاشقى ءىرى ينۆەستيسيامىز. ونىڭ ديناميكالىق تۇرعىدا تارتىمدىلىعى، تانىمال سپورت ءتۇرى بولىپ كەلە جاتقانى، بيزنەسكە دەگەن ماركەتينگ مۇمكىندىكتەرى مەن جانكۇيەرلەرىنىڭ ارتىپ كەلە جاتقانى مەنىڭ جەكە جانە كوممەرسيالىق امبيسيالارىما ساي كەلەدى»، - دەدى ۆ.كيم.
2026 جىلعى ماۋسىمنان باستاپ Hitech كومانداسى فورمۋلا-1-گە قاتىسادى.
Forbes نۇسقاسى بويىنشا كيم قازاقستانداعى ەڭ باي ادام. ونىڭ مۇلكى - 4،6 ميلليارد دوللار جانە ول الەمدىك رەيتينگىدە 607ء-شى ورىندا تۇر.