2 تامىزدان باستاپ شەكتەۋ شارالارى كۇشەيتىلەتىن بولدى.
قازاقستاننىڭ باس سانيتار دارىگەرى ەرلان قياسوۆتىڭ جاڭا قاۋلىسىندا كوروناۆيرۋس ماتريساسىنىڭ «قويۋ قىزىل» ايماعى پايدا بولدى. وسى «قويۋ قىزىل» ايماققا كىرگەن وبلىستاردا 2 تامىزدان باستاپ شەكتەۋ شارالارى كۇشەيتىلەدى، دەپ حابارلايدى Almaty-akshamy.kz.
رەسمي قۇجاتقا سايكەس، نۇر-سۇلتان، الماتى، شىمكەنت، اتىراۋ جانە قاراعاندى قالالارىندا 2 تامىزدان باستاپ:
1) ورتالىق مەملەكەتتىك ورگانداردى، اكىمدىكتەردى، قۇقىق قورعاۋ ورگاندارىن، دەنساۋلىق ساقتاۋ ۇيىمدارىن، باق-تى، ازىق-تۇلىك دۇكەندەرىن، ءدارىحانالاردى جانە تىرشىلىكتى قامتاماسىز ەتۋ ۇيىمدارىن، سونداي-اق وسى تارماقتىڭ 4-تارماقشاسىندا كورسەتىلگەن ۇيىمداردى قوسپاعاندا، مەنشىك نىساندارىنا قاراماستان، Ashyq-قا قاتىسپايتىن بارلىق كاسىپورىندار مەن ۇيىمداردىڭ قىزمەتىن ۋاقىتشا توقتاتىلادى؛
2) ويىن-ساۋىق، سپورتتىق جانە باسقا دا بۇقارالىق ءىس-شارالاردى، سونداي-اق وتباسىلىق، ەستەلىك ءىس-شارالاردى وتكىزۋگە تىيىم سالىنادى؛
3) مەملەكەتتىك ورگانداردىڭ (ۇيىمداردىڭ)، كەڭسەلەردىڭ، ۇلتتىق كومپانيالاردىڭ جانە وزگە دە ۇيىمداردىڭ قىزمەتكەرلەرىنىڭ (ۆاكسيناسيالانعان جانە سوڭعى 3 اي ىشىندە اۋىرىپ ساۋىققان ادامداردى قوسپاعاندا) 80%-ى قاشىقتان جۇمىس ىستەيدى.