قازاقستاننىڭ اۆياسيالىق قاۋىپسىزدىك دەڭگەيى ەۋروپا ەلدەرىنەن جوعارى دەپ تانىلدى

حالىقارالىق ازاماتتىق اۆياسيا ۇيىمى (يكاو) 2025 جىلعى 30 تامىزدان 15 قىركۇيەككە دەيىن قازاقستان رەسپۋبليكاسىندا وتكىزىلگەن اۆياسيالىق قاۋىپسىزدىكتىڭ كەشەندى ءاۋديتىنىڭ (USAP-CMA) ناتيجەلەرىن رەسمي تۇردە جاريالادى.

تەكسەرۋ قورىتىندىسى بويىنشا قازاقستان رەسپۋبليكاسىندا يكاو حالىقارالىق ستاندارتتارىنا سايكەستىك دەڭگەيى 95،7% بولدى. بۇل كورسەتكىش الەمدىك ورتاشا دەڭگەيدەن (72،01) جانە ەۋروپا ەلدەرىنىڭ كورسەتكىشىنەن (87،92%) جوعارى.

قازاقستاننىڭ ناتيجەسى تمد ەلدەرى مەن يكاو-نىڭ ەۋرو-ازياتتىق (EUR/NAT) ايماعى بويىنشا ەڭ جوعارى كورسەتكىشتەردىڭ ءبىرى بولىپ تابىلادى. سالىستىرمالى تۇردە:

ازەربايجان - 74،66%

وزبەكستان - 85،47%

قىرعىزستان - 85،76%

گرۋزيا - 89،75%

بەلارۋس - 91،85%

رەسەي - 94،14%

تاياۋ وڭىرلەردە وسىنداي كورسەتكىشتەر تومەندەگى ەلدەردە بايقالادى: ءباا - 98،4%، كاتار -96،72%، ساۋد ارابياسى - 94،41%.

قازاقستاننىڭ اۆياسيالىق قاۋىپسىزدىك بويىنشا الدىڭعى كورسەتكىشى 83% بولاتىن.

قازىرگى كورسەتكىش اۆياسيالىق قاۋىپسىزدىك سالاسىنداعى نەگىزگى زاڭناما، اۆياسيالىق قاۋىپسىزدىك باعدارلامالارى مەن ەرەجەلەرى، اۆياسيالىق قاۋىپسىزدىك سالاسىنداعى ۋاكىلەتتى ورگان جانە ونىڭ مىندەتتەرى، پەرسونالدىڭ بىلىكتىلىگى مەن وقىتىلۋى، تەحنيكالىق ۇسىنىمدار، قۇرالدار جانە قاۋىپسىزدىك ءۇشىن ماڭىزدى اقپارات بەرۋ، سەرتيفيكاتتاۋ جانە بەكىتۋ جونىندەگى مىندەتتەمەلەر، ساپانى باقىلاۋ بويىنشا مىندەتتەمەلەر، قاۋىپسىزدىك ماسەلەلەرىن شەشۋسياقتى اۆياسيالىق سالانىڭ ماڭىزدى ەلەمەنتتەرى بويىنشا قاۋىپسىزدىكتىڭ جوعارى دەڭگەيىنىڭ كورىنىسى بولىپ تابىلادى.

وسى كورسەتكىشتەردىڭ سايكەستىگى قازاقستاندىق اۋەجايلاردىڭ قاۋىپسىزدىگىنىڭ جوعارى دەڭگەيىن كورسەتەدى، بۇل اۋە كومپانيالار تاراپىنان سەنىمنىڭ وسۋىنە، سونداي-اق اقش-قا تىكەلەي رەيستەردى اشۋ ءۇشىن ۇشۋلاردىڭ ءبىرىنشى ساناتىن الۋعا ىقپال ەتەدى.

يكاو-نىڭ جوعارى باعاسى ەلىمىزدىڭ اۆياسيالىق سالاسىندا 2019 جىلدان باستاپ ىسكە اسىرىلعان كەشەندى رەفورمالاردىڭ، قازاقستاننىڭ اۆياسيالىق اكىمشىلىگىن دامىتۋدىڭ، مامانداردىڭ بىلىكتىلىگىن ارتتىرىپ، تاۋەكەلگە باعدارلانعان باقىلاۋ تەتىكتەرىن ەنگىزۋدى قوسا العاندا، بيىك ناتيجەلەردىڭ كورسەتكىشءى. سونداي-اق بۇل قازاقستاننىڭ جاھاندىق اۆياسيالىق قاۋىپسىزدىك جۇيەسىنە جوعارى ينتەگراسيالانۋىن راستايدى.

اۋديت قورىتىندىسى – بۇل قازاقستاننىڭ جولاۋشىلار مەن اۆياسيا يندۋسترياسى ءۇشىن ءقاۋىپسىز جانە ىڭعايلى اۋە قاتىناسىن قامتاماسىز ەتۋگە باعىتتالعان حالىقارالىق ستاندارتتارعا بەيىلدىلىگىنىڭ ماڭىزدى دالەلى.