2025 جىلعى 1 قاراشاداعى جاعداي بويىنشا جۇمىسپەن قامتۋعا جاردەمدەسۋدىڭ ءتۇرلى شارالارىمەن 25،5 مىڭ مۇگەدەكتىگى بار ادام قامتىلدى. بۇگىنگى تاڭدا بارلىعى ەرەكشە قاجەتتىلىكتەرى بار 111 مىڭ ادام جۇمىسپەن قامتىلعان، بۇل ەڭبەككە قابىلەتتى مۇگەدەكتىگى بار ادامداردىڭ جالپى سانىنىڭ 30%-ىن قۇرايدى، - دەپ حابارلايدى Aqshamnews.kz جاۋاپتى ۆەدومستۆو سايتىنا سىلتەمە جاساپ.
قازىرگى ۋاقىتتا قازاقستاندا مۇگەدەكتىگى بار 743،9 مىڭ ادام تۇرادى، ول حالىقتىڭ جالپى سانىنىڭ 3،7%-ىن قۇرايدى، ولاردىڭ 375،2 مىڭى ەڭبەككە قابىلەتتى جاستا.
ق ر الەۋمەتتىك كودەكسىنە سايكەس جەرگىلىكتى اتقارۋشى ورگاندار مۇگەدەكتىگى بار ادامدار ءۇشىن اۋىر جۇمىستارداعى، ەڭبەك جاعدايلارى زياندى، ءقاۋىپتى جۇمىستارداعى جۇمىس ورىندارىن ەسەپكە الماعاندا، جۇمىسشىلاردىڭ جالپى سانىنىڭ 2-دەن 4 %-نا دەيىن (جالدامالى جۇمىسكەرلەردىڭ جالپى سانى كەمىندە 50 ادام بولعان كەزدە) كولەمدە جۇمىس ورىندارىنا كۆوتا بەلگىلەيدى. اعىمداعى جىلدىڭ 3 توقسانىندا كۆوتا بويىنشا مۇگەدەكتىگى بار 7،1 مىڭ ادام جۇمىسقا ورنالاستىرىلدى.
سونداي-اق ەرەكشە قاجەتتىلىكتەرى بار ادامدار جۇمىسپەن قامتۋعا جاردەمدەسۋدىڭ بەلسەندى شارالارىنا تارتىلۋدا. ماسەلەن، اعىمداعى جىلدىڭ 1 قاراشاداعى جاعداي بويىنشا تۇراقتى جۇمىسقا 4،8 مىڭ ادام، جاستار پراكتيكاسىنا – 538 ادام، الەۋمەتتىك جۇمىس ورىندارىنا – 538 ادام، قوعامدىق جۇمىستارعا – 5،7 مىڭ ادام، «كۇمىس جاس» جوباسى بويىنشا – 758 ادام، «العاشقى جۇمىس ورنى» جوباسى بويىنشا – 120 ادام، «ۇرپاقتار كەلىسىمشارتى» جوباسى بويىنشا – 9 ادام جۇمىسقا ورنالاستىرىلدى.
قىسقا مەرزىمدى كاسىپتىك وقىتۋمەن 277 ادام، «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 4،5 مىڭ ادام قامتىلدى.
حالىقتىڭ الەۋمەتتىك وسال توپتارىنا جاتاتىن ازاماتتارعا ءوز بيزنەسىن اشۋ ءۇشىن 400 اەك-كە دەيىنگى (1،6 ملن تەڭگە) مولشەرىندە مەملەكەتتىك گرانتتار بەرىلەدى. بۇگىنگى تاڭدا 1،4 مىڭ مۇگەدەكتىگى بار ادام وسىنداي قولداۋعا يە بولدى.
سونداي-اق، 2018 جىلدان باستاپ حالىقارالىق تاجىريبەنى ەسكەرە وتىرىپ، مۇگەدەكتىگى بار ادامداردى جۇمىسقا ورنالاستىرۋ ءۇشىن ارنايى جۇمىس ورنىن جاراقتاندىرۋعا بايلانىستى جۇمىس بەرۋشىلەردىڭ شىعىندارىن سۋبسيديالاۋ ءتارتىبى ەنگىزىلدى. اعىمداعى جىلى وسىنداي 87 ارنايى جۇمىس ورنى قۇرىلدى.