تۋريزم كورسەتكىشتەرى اناعۇرلىم وسكەن.
قازاقستانعا ساياحاتتاپ كەلۋشىلەر سانى ارتىپ وتىر، دەپ حابارلايدى Almaty-akshamy.
«وتكەن جىلدىڭ ءبىرىنشى توقسانىمەن سالىستىرعاندا 2022 جىلعى ءبىرىنشى توقساندا تۋريزم كورسەتكىشتەرى اناعۇرلىم وسكەن. شەتەلگە شىعىپ دەمالعانداردىڭ سانى 845،2 مىڭ ادامدى قۇرادى، بۇل بىلتىرعى كورسەتكىشتەن 60،1% ارتىق. ەلىمىزگە تۋريستىك ماقساتتا كەلگەندەردىڭ سانى 293،2 مىڭ ادامدى قۇرادى، بۇل كورسەتكىش بىلتىرعا قاراعاندا 34،3% كوپ»، – دەپ جازىلعان ۇلتتىق ستاتيستيكا بيۋروسىنىڭ حابارلاماسىندا.
ىشكى تۋريزم بويىنشا دا جاعىمدى ديناميكا بايقالعان. دەمالىس ورىندارىنا ورنالاستىرىلعاندار سانى 1 131،9 مىڭ ادام، بىلتىرعى كەزەڭمەن سالىستىرساق، ءوسىم 21،6% قۇراپ وتىر.
«كەلۋشiلەردى ورنالاستىرۋمەن اينالىساتىن وبەكتىلەر سانى 3 756 بىرلىكتى قۇرادى، ونداعى بولمەلەر سانى 80 983. ولار 1 229 مىڭ ادامعا 26270،2 ملن تەڭگە سوماسىنا قىزمەت كورسكەن. ورنالاستىرۋ ورىندارىنىڭ كورسەتكەن قىزمەت كولەمi (مەيرامحانالاردا كورسەتىلەتىن قىزمەتتەرiن قوسپاعاندا) وتكەن جىلدىڭ سايكەس كەزەڭىمەن سالىستىرعاندا 25،7%-عا ارتتى»، – دەپ حابارلادى بيۋرو.