نىسان جامبىل وبلىسىنداعى ميرنىي اۋىلىنا جاقىن ورنالاساتىن بولادى.
قازاقستاندا جالپى قۋاتى 1 گۆت بولاتىن جەل ەلەكتر ستانسياسى سالىنادى، دەپ حابارلايدى Almaty-akshamy.kz Almaty.tv سىلتەمە جاساپ.
9 ماۋسىمدا ق ر ەنەرگەتيكا مينيسترلىگى، «سامۇرىق-قازىنا» اق، «قازمۇنايگاز» ۇك اق جانە «TotalEnergies» كت قۋاتى 1 گۆت جەك ءىرى اۋقىمدى جوباسىن ىسكە اسىرۋعا باعىتتالعان قاعيداتتار تۋرالى كەلىسىم جاساستى.
وبەكت جامبىل وبلىسىنداعى ميرنىي اۋىلىنا جاقىن ورنالاساتىن بولادى. جوبانىڭ قۇرىلىسىن كەزەڭ-كەزەڭمەن جۇرگىزۋ جوسپارلانعان. جوبا 2024 جىلدان باستاپ 2026 جىلدى قوسا العان كەزەڭدە تولىق اياقتالادى دەپ كۇتىلۋدە.
اتالعان جوبانى ىسكە اسىرۋ قازاقستاننىڭ «جاسىل» ەكونوميكاعا كوشۋ تۇجىرىمداماسىمەن بەكىتىلگەن نىسانالى ينديكاتورلارعا قول جەتكىزۋگە، قوسىمشا ينۆەستيسيالار تارتۋعا، جاڭا جۇمىس ورىندارىن قۇرۋعا، سونداي-اق «جاسىل» ەلەكتر ەنەرگياسىن گەنەراسيالاۋدى ۇلعايتۋعا مۇمكىندىك بەرەدى.
جالپى قۋاتى 1 گۆت جەل ەلەكتر ستانسيالارىن دامىتۋعا، قارجىلاندىرۋعا، سالۋعا جانە پايدالانۋعا باعىتتالعان قۇجاتقا قول قويۋعا ق ر ەنەرگەتيكا ءمينيسترى بولات اقشولاقوۆ، «سامۇرىق-قازىنا» اق باسقارما ءتوراعاسى الماسادام ساتقالييەۆ، «قازمۇنايگاز» ۇك اق باسقارما ءتوراعاسى ماعزۇم مىرزاعالييەۆ، ازيادا بيزنەستى دامىتۋ بويىنشا «Total ەren S.A.» ۆيسە-پرەزيدەنتى انتۋان گارە، قازاقستانداعى «TotalEnergies» باس ديرەكتورى احلەم فريگا-نوي قاتىستى.