مەملەكەت باسشىسى قاسىم-جومارت توقايەۆ قازاقستان حالقىنا ۇندەۋ جاسادى. وزدەرىڭىز بىلەتىندەي، ازاماتتاردىڭ كوپشىلىگى كونستيتۋسياعا ەنگىزىلگەن تۇزەتۋلەردى قولدادى.
پرەزيدەنت حالىقتىڭ جانە قوعامدىق ۇيىمداردىڭ بەلسەندى جۇمىسى مەن قولداۋى ءۇشىن ريزاشىلىعىن ءبىلدىردى. ايتا كەتۋ كەرەك، AMANAT پارتياسى تۇزەتۋلەردى ءتۇسىندىرۋ بويىنشا الماتى قالاسىنىڭ بارلىق تىرشىلىك سالاسىنىڭ مەكەمەلەرىن قامتىدى. قالالىق شتاب پەن دەپۋتاتتار كۇن سايىن حالىقپەن جانە ەڭبەك ۇجىمدارىمەن كەزدەسۋلەر وتكىزدى.
ۇندەۋدە سونداي-اق بۇكىل ەلدى جاڭعىرتۋ جانە بيۋروكراتياسىزداندىرۋ تۋرالى ايتىلدى. پرەزيدەنت قازاقستان حالقىنا جانە ونىڭ مۇقتاجدىقتارىنا نازار اۋدارىپ، ازاماتتاردىڭ الداعى وزگەرىستەردەن پايداسىن سەزىنۋىن جانە ءقازىر ەلىمىزدە بولىپ جاتقان بارلىق جاعدايدى ۇراندار مەن ادەمى سوزدەر ءۇشىن ەمەس، بىرگە جاڭا قازاقستاندى قۇرۋ ءۇشىن ماڭىزدى دەپ سانايدى!
ءبىز ءبىر شاڭىراقتىڭ استىندا ءومىر ءسۇرىپ جاتىرمىز جانە ءبىزدى ءبىر عانا ماقساتتار بىرىكتىرەدى، ولار - بەيبىت اسپان، ازاماتتاردىڭ ءال-اۋقاتى، ءومىر ءسۇرۋ دەڭگەيىن ارتتىرۋ، مەديسينا، ءبىلىم جانە ءبىزدىڭ بالالارىمىز ءۇشىن لايىقتى ءومىر.
ەنگىزىلەتىن رەفورمالار مەن ولاردىڭ ناتيجەلەرى ءبىزدىڭ مەملەكەتتىلىگىمىزدىڭ تاريحىندا جاڭا بەت اشادى دەپ سەنەمىن!