ماماندار قانداي سالىق تولەنۋى كەرىكتىگىن ايتتى.
جىل باسىنان بەرى عالامتوردا قىزمەت كورسەتەتىن شەتەلدىك كومپانيالار، سونداي-اق ينتەرنەت ارقىلى جەكە تۇلعالارعا تاۋارلاردى ساتاتىن شەتەلدىك ساۋدا الاڭدارى قوسىلعان قۇن سالىعىن نەمەسە GOOGLE سالىعىن تولەۋى كەرەك، دەپ حابارلايدى Almaty-akshamy.kz Egemen.kz سىلتەمە جاساپ.
ۆەدومستۆو حابارلاعانداي، بۇگىندە GOOGLE سالىعىن تولەيتىن شەتەلدىك كومپانيا ءۇشىن تىركەۋ تالاپتارى جەڭىلدەتىلگەن. ماسەلەن، تىركەۋ ەسەبىنە تۇرۋ ءۇشىن شەتەلدىك كومپانيا ق ر قم مەملەكەتتىك كىرىستەر كوميتەتىنە حات جىبەرسە جەتكىلىكتى. سول ارقىلى ولار شارتتى تىركەۋدەن وتەدى.
وسىلايشا، جىل باسىنان بەرى 37 شەتەلدىك كومپانيا، سونىڭ ىشىندە Apple، Meta، Google، Ebay، Amazon سياقتى باسقا دا ءىرى الەمدىك كومپانيالار شارتتى تىركەۋدەن ءوتتى. 2022 جىلدىڭ باسىنان باستاپ اتالعان كومپانيالار 6،1 ملرد تەڭگە سوماسىنا سالىق تولەدى.
ەڭ ءىرى سالىق سومالارىن يرلانديانىڭ رەزيدەنتتەرى «Meta Platforms Ireland Limited» (1،6 ملرد تەڭگە) جانە «Apple Distribution International Limited » (1،1 ملرد تەڭگە)، سونداي-اق اقش رەزيدەنتى «ووو iHerb» (1،4 ملرد تەڭگە) تولەگەن.
«سالىق دەكلاراسياسىن تاپسىرۋدىڭ قاجەتى جوق، ايىپپۇلدار مەن سالىقتىق اكىمشىلەندىرۋدىڭ باسقا دا كۇردەلى تەتىكتەرى جوق ەكەنىن اتاپ وتكەن ءجون. مۇنىڭ ءبارى تاۋارلارمەن ەلەكتروندى ساۋدانى جۇزەگە اسىراتىن نەمەسە قازاقستاندىق ساتىپ الۋشىنىڭ اتىنا ەلەكتروندىق قىزمەتتەر كورسەتەتىن شەتەلدىك كومپانيا ءۇشىن قازاقستان رەسپۋبليكاسىنداعى سالىق مىندەتتەمەلەرىنىڭ ورىندالۋىن وڭايلاتۋ ماقساتىندا جاسالدى»، - دەلىنگەن مكك اقپاراتىندا.