مينيسترلىك جەلىدە تاراعان اقپاراتقا قاتىستى مالىمدەمە جاسادى.
قازاقستاندا بارلىق ازاماتتارعا 140 مىڭ تەڭگەدەن باستالاتىن جاڭا ارنايى الەۋمەتتىك تولەم پايدا بولعانى تۋرالى اقپارات شىندىققا جاناسپايدى، دەپ حابارلايدى aqshamnews.kz
ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ حابارلاۋىنشا، اتالعان اقپارات الەۋمەتتىك جەلىلەر مەن مەسسەندجەرلەردە تاراعان جانە وندا تولەمدى تەكسەرۋ ءۇشىن سىلتەمەگە ءوتۋ ۇسىنىلادى.
«تولەمنىڭ مۇنداي ءتۇرى جوق ەكەنىن حابارلايمىز. تيىسىنشە، حابارلامادا كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. سول سەبەپتى سىلتەمەگە وتپەگەن ءجون. مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس-حابارلامالار ارقىلى تاراتىلادى. ازاماتتاردان تەك رەسمي كوزدەردەگى اقپاراتتى پايدالانۋىن سۇرايمىز. جالعان اقپارات تاراتۋ زاڭمەن جازالاناتىنىن ەستەرىڭىزگە سالامىز»، - دەلىنگەن حابارلامادا.