بۇل بىلتىرعى كورسەتكىشكە نەگىزدەلگەن ستاتيستيكا.
ق ر مادەنيەت جانە اقپارات مينيسترلىگى حالىقتىڭ وقۋ بەلسەندىلىگى تۋرالى ستاتيستيكالىق دەرەك كەلتىردى، دەپ حابارلايدى aqshamnews.kz
ۆەدومستۆو 2023 جىلعى دامۋ كورسەتكىشتەرى تۋرالى ەسەبىندە ەلدەگى كىتاپقۇمارلار سانىنا توقتالدى. مينيسترلىك ماماندارى قازاقستاندىقتاردىڭ كىتاپحانا قىزمەتىن پايدالانۋدى كوبەيتكەنىن انىقتاپ وتىر. مىسالى، 2023 جىلى حالىقتىڭ سانى 20 033 546 ادام بولسا، ونىڭ 2 490 156-سى – 4 جاسقا دەيىنگى بالالار. سوندىقتان ولار ەسەپكە الىنباعان. قالعان 17 984 390 ادامنىڭ 5 738 039-ى كىتاپحانالاردىڭ قىزمەتىن پايدالانىپتى.
«2023 جىلى ەلىمىزدەگى كىتاپحانالاردا 153 472 ءىس-شارا وتكىزىلدى. ول ءىس-شارالار 5 738 039 پايدالانۋشىنى قامتىپ، حالىقتىڭ وقۋ بەلسەندىلىگى 31،3%-عا جەتتى»، – دەپ جازىلعان رەسمي حابارلامادا.
ستاتيستيكالىق دەرەكتەر ەلىمىزدە 9،5 مىڭنان استام كىتاپحاناشى جانە 73 ميلليونعا جۋىق كىتاپ بار ەكەنىن راستايدى. سونداي-اق جىل سايىن الەمنىڭ 110 ەلىنەن پايدالانۋشىلار ەلەكتروندى كىتاپتار مەن قۇجاتتار قىزمەتىنە جۇگىنەدى.