ەكى مىڭ ءوتىنىش بەرگەن ارۋدىڭ ىشىنەن 20 قاتىسۋشى عانا فينالعا ءوتتى. ال 5 جەلتوقساندا باس جۇلدەنى جەڭىپ العان قىزداردىڭ ەسىمدەرى بەلگىلى بولدى.
5 جەلتوقساندا ساعات 19:00-دە الماتىداعى Queen مەيرامحاناسىندا جىلدىڭ كوپتەن كۇتكەن ءىس-شارالارىنىڭ ءبىرى – «Miss Qazaqstan-2024» ۇلتتىق سۇلۋلىق بايقاۋى گراند-فينالدىڭ قوناقتارى ءۇشىن قىزىل كىلەممەن ءجۇرىپ وتۋدەن باستالدى.
ال تۋرا ءبىر ساعاتتان كەيىن انشىلەر ونەر كورسەتىپ، قىزداردىڭ ءتۇرلى كورىنىستەرىمەن جارقىن شوۋ-باعدارلاماسى بولدى.
2024 جىلى Miss Qazaqstan ۇرانى وزگەرىپ، The Art Of Being A Woman «ايەل بولۋ ونەرى» اتتى جاڭا كونسەپسياسىن جاريا ەتتى.
بۇل قازاقستانداعى سۇلۋلىق بايقاۋى قىزمەتتىڭ بارلىق سالالارىنداعى ايەلدەردى قولداۋعا ارنالعان كەڭ الاڭعا اينالىپ كەلە جاتقانىن، ال بايقاۋدىڭ ءوزى ەندى تەك قاتىسۋشىلاردىڭ سىرتقى كەلبەتىن باعالاپ قويمايتىنىن كورسەتەدى. سونداي-اق قاتىسۋشىلاردىڭ الەۋمەتتىك بەلسەندى بولۋى، قوعامدىق جۇمىستارعا قاتىسۋى، ەرىكتى بولۋى، ينتەللەكتۋالدىق داعدىلارىن جەتىلدىرىپ، ءوي-ورىسىن كەڭەيتۋى ماڭىزدى.«Miss Qazaqstan» سۇلۋ ايەلدەردىڭ دە ءتۇرلى سالادا دامىپ، ماڭىزدى ىستەرمەن اينالىسا الاتىنىن كورسەتۋگە تىرىسادى.
فينالعا قاتىسۋشىلاردىڭ Glyptiss سپورتتىق كوستيۋمدەرى جانە Merhat-تىڭ ءساندى اشەكەيلەرى ءار بەرگەن كەشكى كويلەكتەرمەن بىرنەشە ءسان كورسەتىلىمىنەن كەيىن قازىلار القاسى تالقىلاۋعا كەتتى، كەيىن كوپتەن كۇتكەن بايقاۋ ناتيجەسىمەن ورالدى. وسىدان كەيىن ماراپاتتاۋ ءراسىمى ءوتتى.
ايدانا ابىلقاسوۆا «Vice Miss Qazaqstan-2024» اتاعىنىڭ يەگەرى اتاندى.
ال توميريس قادىرحان («Miss Earth Qazaqstan-2024»)، دانا الماسوۆا («Miss Universe Qazaqstan-2024») جانە باعىم بالتابايەۆا («Miss World Qazaqstan-2024») اتانىپ، حالىقارالىق ارەنادا ەل نامىسىن قورعايدى. كورەرمەندەردىڭ داۋىس بەرۋ ناتيجەلەرى بويىنشا اتى «Miss People’s Choice» نوميناسياسىن جەڭىپ الدى.
ەلىمىزدىڭ تۇكپىر-تۇكپىرىندەگى قىز-كەلىنشەكتەردىڭ دامۋى مەن قولداۋىنىڭ اۋقىمدى الاڭىنا اينالعان ۇلتتىق سۇلۋلىق بايقاۋىنىڭ گراند-فينالى – جاڭا ماۋسىمىنىڭ لايىقتى دەڭگەيدە اياقتالۋى بولدى.