اۆتوموبيلدەردىڭ باسىم بولىگى الماتى وبلىسىندا
قازاقستاندا شىعارىلعان جىلى ەسكى اۆتوموبيلدەر سانى باسىم، دەپ حابارلايدى Almaty-akshamy.kz ستاتيستيكا كوميتەتىنە سىلتەمە جاساپ.
2022 جىلعى ساۋىردە 83،5 مىڭ اۆتوكولىك قۇرالى ەسەپكە قويىلدى، بۇل وتكەن جىلدىڭ سايكەس كەزەڭىمەن سالىستىرعاندا 0،4% از، ونىڭ ىشىندە جۇك اۆتوموبيلدەرىنىڭ سانى 18،7%-عا، اۆتوبۋستاردىكى 29،1%-عا كەمىدى، بۇل رەتتە جەڭىل اۆتوموبيلدەردىڭ سانى 1،5%-عا ارتتى. 1 مامىرداعى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 4 357،6 مىڭ بىرلىكتى قۇرادى، ونىڭ ىشىندە 87،8% – جەڭىل اۆتوموبيلدەر، 10،4% – جۇك جانە 1،8% – اۆتوبۋستار.
«شىعارىلعان جىلى بويىنشا جەڭىل اۆتوموبيلدەر اۆتوپاركىندە 20 جىل بۇرىن شىعارىلعان اۆتوموبيلدەر سانى باسىم – 50،3%، جاسى 10-نان 20 جىلعا دەيىن بۇرىن شىعارىلعان اۆتوكولىك قۇرالدارىنىڭ ۇلەسى – 21،1%، 7-10 جىل ارالىعىنداعىلار – 14،5%، 3-7 جىل بولعاندار – 6،4%، ماشينالاردىڭ تەك 7،6% پايدالانۋ مەرزىمى 3 جىلدان كەم. شىعارىلعان جىلى 20 جىلدان استام اۆتوموبيلدەردىڭ ۇلەسى جۇك كولىكتەرى اراسىندا – 60،8%، اۆتوبۋستار بويىنشا – 42،2% قۇرايدى»، - دەلىنگەن اقپاراتتا.
اۆتوموبيلدەردىڭ باسىم بولىگى الماتى وبلىسىندا – 534،7 مىڭ بىرلىك، الماتى قالاسىندا – 508،7 مىڭ بىرلىك جانە قاراعاندى وبلىسىندا2) – 310 مىڭ، اتىراۋ وبلىسىندا – 116،9 مىڭ بىرلىك تىركەلگەن.
جانارماي رەتىندە جەڭىل اۆتوكولىكتەر نەگىزىنەن بەنزيندى پايدالانادى (87،8%)، كولىك قۇرالدارىنىڭ 8% ارالاس وتىنمەن3) جۇرەدى. جۇك كولىكتەرىنىڭ 48،7%-ى ديزەل وتىنىمەن، قالعاندارى بەنزين (45،9%) مەن ارالاس وتىن ەسەبىنەن3) (2،2%) قوزعالادى.