دسم سكرينينگتىك زەرتتەۋلەرگە جاتاتىن ماقساتتى توپتاردى، سونداي-اق زەرتتەۋلەردىڭ وتكىزىلۋ ەرەجەلەرى، كولەمى مەن كەزەڭدىلىگىن جاڭارتۋعا ارنالعان تۇزەتۋلەردى ازىرلەدى، دەپ حابارلايدى aqshamnews.kz
اتاپ ايتقاندا، جوبادا:
بار سكرينينگتىك زەرتتەۋلەرگە وكپە راگىنىڭ ەرتە انىقتالۋىنا ارنالعان جاڭا سكرينينگ ءتۇرىن قوسۋ؛
ۆ جانە س گەپاتيتتەرىن ەرتە انىقتاۋ ماقساتتى توپتارىن كەڭەيتۋ قاراستىرىلعان.
مينيسترلىك ەنگىزىلەتىن وزگەرىستەر ونكولوگيالىق اۋرۋلاردى، اسىرەسە وكپە راگىن ەرتە انىقتاۋدىڭ تيىمدىلىگىن ارتتىرۋعا، ماقساتتى توپتاردى ناقتىلاۋعا جانە سكرينينگتىك زەرتتەۋلەردى وتكىزۋ ءتارتىبىن جەتىلدىرۋگە باعىتتالعانىن اتاپ ءوتتى.
جالپى، بۇيرىقتىڭ ىسكە اسىرىلۋى الدىن الۋ زەرتتەۋلەرىن قامتۋدى ارتتىرىپ، اۋرۋلاردى ەرتە انىقتاۋ ۇلەسىن كوبەيتىپ، ماقساتتى جاس جانە قاۋىپ-قاتەر توپتارىندا اۋرۋلاردىڭ كەش انىقتالۋى مەن ءولىم-جىتىم كورسەتكىشىن تومەندەتۋگە مۇمكىندىك بەرەدى.
حالىق ءۇشىن كۇتىلەتىن ناتيجە – سكرينينگكە قولجەتىمدىلىكتىڭ ارتۋى، ۋاقىتىلى ءوتۋ مۇمكىندىگى، اقپاراتتىلىق پەن باعىتتاۋ ساپاسىنىڭ جاقسارۋى.
قۇجات "اشىق نورماتيۆتىك قۇقىقتىق اكتىلەر" سايتىندا 2026 جىلعى 1 قاڭتارعا دەيىن قوعامدىق تالقىلاۋعا قويىلعان.