حالىقارالىق جوبانىڭ باستاماشىسى – بەيجىڭ بي اكادەمياسى، ال ءىس-شارا بي ءبىلىمىنىڭ دۇنيەجۇزىلىك اليانسى (World Dance Education Alliance) قولداۋىمەن جۇزەگە اسادى، دەپ حابارلايدى aqshamnews.kz
قازاق ۇلتتىق حورەوگرافيا اكادەمياسىنىڭ ستۋدەنتتەرى بەيجىڭ بي اكادەمياسىنىڭ Dance Theatre ساحناسىندا وتەتىن "سۇلۋلىقپەن ۇندەستىك: بي بويىنشا ءبىلىم بەرۋدەگى الەمدىك الماسۋ" اتتى حالىقارالىق كورسەتىلىمگە قاتىسادى.
ءىس-شاراعا 38 ەلدەن 70-تەن استام جەتەكشى حورەوگرافيالىق وقۋ ورنى قاتىسۋدا. بەيجىڭ بي اكادەمياسى جۇرگىزگەن قاتاڭ ىرىكتەۋ ناتيجەسىندە قازاق ۇلتتىق حورەوگرافيا اكادەمياسىنىڭ ستۋدەنتتەرى ۇزدىك قاتىسۋشىلاردىڭ قاتارىنا ەنىپ، قازاقستان اتىنان حالىقارالىق ساحنادا ونەر كورسەتۋ مارتەبەسىنە يە بولدى.
كورسەتىلىم باعدارلاماسىنا پ. ي. چايكوۆسكييدىڭ "ۇيقىداعى ارۋ" بالەتىنەن اۆرورا مەن دەزيرەنىڭ پا-دە-دە ءنومىرى ەنگەن.
اكادەميا ستۋدەنتتەرىنىڭ بۇل حالىقارالىق جوباعا قاتىسۋى قازاقستاندىق بالەت ونەرىن الەمدىك دەڭگەيدە تانىلۋىنا ىقپال ەتەرى انىق.